مقاييس الحب ( ازاي تعرف الي قدامك بتحبك ولا لأ )

[B]السلام عليكم

تحية طيبة

الصراحة الموضوع دا المفروض يتدفع فيه فلوس لانه خلاص وعصارة خبرة طويلة و حوارات مع ناس كتير منهم زير النساء ومنهم الواد الحبيب ومنهم الجريح ومنهم الي اخد خوازيق وكله في الحب مباح Wink

هو صحيح خسارة في بعض الناس لكن في المجمل محبش اعز حاجة عن حبايبي

من اولها كدا اذا هتهرج يبقى في حدود جدا لان دا مرجع ليك هتستفيد منه بدل ما تاخد خازوق وترجع تعيط وتقولي تعالى الحقني Wink

يلا نبتدي

اسقاطات الموضوع دا على بعد الارتباط مش قبله - معلش يا امير كان نفسي اكتب عن ازاي تعرف قبل الاقدام على الخطوة الجريئة بس الحوار هيكون اطول وانا بحاول اختصر -

المهم دلوقت انت ارتبط ببنت وعايز تعرف هي فعلا بتحبك ولا لأ تعرفها ازاي دي ؟

اولا التقليد :

اي حد بيحب حد هيقلده ، وهتلاحظ انها بتقلدك في اي حاجة سواء حركة سواء كلمة سواء لفته ودا لازم يحصل يعني حاول تلاحظ حركاتها واذا لقيتها بتقلدك في اي حاجة مهما كانت صغيرة اعرف انها مهتمة وكدا يبقى انت ماشي صح

ثانيا الحفظ :

هتلاقيها حفظت عنك كل حاجة ، تاريخ ميلادك الغير مميز Very Happy

، لبسك ، طريقة مشيتك ، نوع البرفيوم الي بتحطه مهما كان اسمه ملعبك ، المهم هتلاقيها حفظت الحجات المهم عنك

ثالثا التغيير :

اذا البنت دي بتحبك بجد هتلاقيها اتغيرت ، يعني هتلاقيها اطبعت بطبعك لو انت مرح هتلاقيها بقت مرحة لو انت كئيب هتلاقيها بقت كئيبة وممكن تنفض لصاحبتها البنات و هكذا المهم ان هيحصل تغيير كبير في حياتها

رابعا الطاعة :

طبعا المثل معروف بيقول " ان المحب لمن يحب مطيع " وهتلاقيها سمعت كلامك وبتقتنع بيه ، بس دا ميدلكش الحق انك تؤمرها بدون اقتناع علشان متضايقش منك بس هي لو فعلا بتحبك هتعمل الي انت بتحبه بعد كدا تناقشك فيه على امل انها تقتنع

خامسا ارجاع الفضل :

هتلاقي في كلامها انها دايما بترجع فضل احسن الامور في حياتها لحضرتك ، يعني مثلا هي مكنتش محجبة وبعدين انت كلمتها في الحجاب ، وجيت سألتها بعد فترة ايه اخبار الحجاب معاكي لو هي بتحبك هتقول ليك حبيبي لو هي بقى في دنيا تانية هتقولك سمعت شيخ او ماما قالتلي او قابلت داعية واقنعتني او ضغوط عائلية وهكذا ، دا كان مثلا والاسقاطات كتير

سادسا الغيرة :

اي حد بيحب حد تلقائي هيغير عليه ، البنت غيورة جدا وانت متتكش على الحوار دا علشان اذا الامور زادت انت الي هتندم صدقني Wink

سابعا مشاركة الاهتمامات :

طبعا في حدود يعني هتشاركك مثلا شعر انت كاتبه ، لوحة انت راسمها يعني في حدود الحجات الي تمشي بناتي لكن متطلبش منها انها تشجع فريق معين لان دا في اجحاف لحقها ، كمان هتلاحظ انها مش بتعمل حاجة لوحدها ودايما بتاخد رأيك في جل امورها

ثامنا المرونة :

البنت بتكون مرنة جدا مع الانسان الي بتحبه ، يعني اتصلت بيها في وقت متأخر مش هتقفش عليك ، كمان هتحب دايما انها تفوتلك نظراتك الماكرة و حواراتك الفاجرة Very Happy

بس انت كمان متتماداش علشان كذا حاجة بس مش مجالنا هنا

تاسعا الاقبال :

البنت الي بتحب ولد بيكون هو كل دنيتها والاقبال عليه بيكون شديد جدا ، اوعى تصدها او ترخم عليها لانها هتحس انك كدا مش مقدر اقبالها وسنة سنة هتبدأ تتحكم في اقبالها دا وصدقني دي حاجة مش هتحبها

نوع بنات يرجى الابتعاد عنه في الحب :

العنيدة :نص الحجات الحلوة الي في الحب هتضيع مع البنت العنيده لانها مش هتديك حقك خصوصا في موضوع الطاعة والنقاش

الغير سوية او الكئيبة :
اي بنت تربيتها مش جيده او عانت من ضغط اسري او اضطهاد اجتماعي هتتعبك اوي خصوصا في مسألة الدلع والاقبال والمرونة

المرحة زيادة عن اللزوم :
طبعا في نوع من البنات من كتر ما بيحب يهرج ممكن تفتكره ولد من بعيد , دي بقى بنت مش هتضيف ليك جديد وبدل ما تكون عون ليك على التقدم هتخليك مهرج ، وطبعا لازم تلاحقها في التهريج حتى لو انت متضايق !

طبعا الحب على النت شوية مختلف وليه تكتيكات تانية بس برضو مش مجالنا

نكتفي بهذا القدر وللحديث بقية وفي النهاية اتمنى للجميع علاقات عاطفية جيدة تكون دافع للنجاح والتقدم وتكون نهايتها الزواج وبدون مخالفات وطبعا فاهمني يا كوتش Wink

[B]

» الأفضل ان تبقي فمك مغلق حتى لو كنت تعرف الحقيقة
» مع خالص الحب والاحترام والاسف اعلن سحب معاهدة الدفاع والسلام مع اخواننا تحالف الامراء