المشهد الاول
(شقه مشبوهه فى نهار رمضان تظهر الشقه شبه مظلمه بعد اسدال جميع الستائر وتجلس الفتيات على الكنبه فى ملل)
ام سحلول( تسحب نفسا عميقا من سيجاره البانجو) " ما فكرتوش تصوموا ولو يوم يبنات ؟؟؟ "
وتنقل السيجاره لزميلتها كراويه
كراويه (تحسب نفسا عميقا وكانها تستنشق الاكسجين من الغلاف الجوى) " انا مش هينفع اصوم عشان باخد علاج "
ام سحلول " علاج ايه ؟؟؟"
كراويه " بحط مرهم "
وتعطى السيجاره لهند
هند تستلم السيجاره وكأنها تستلم جائزه الدوله التشجيعيه
ام سحلول " طب وانتى ياهند "
هند " انا بقى بحب اشرب ميه بعد الفجر "
---------------------------------------
المشهد الثانى
(يظهر عبده أزمات فى مدرسه ثانويه وهو يقرا القرأن ويرن الموبايل بتاعه فيظهر اسم المتصل كراويه صديقه الطلبه Is calling you)
عبده أزمات (يضغط على Cancel ) "يارب ابعدنى عن المعصيه "
ويرن الموبايل مره اخرى ويظهر نفس المتصل
عبده أزمات " يغلق الموبايل من بكره هغير الشريحه "
بعد فتره ليست ببعيده يقترب منه ربيع فراش المدرسه
ربيع " خالتك بتسلم عليك يا رأفت قصدى خالتك عيزاك عـ التليفون فى مكتب الناظر "
عبده أزمات "خالتك مين يعم انا امى ملهاش اخوات "
ربيع " بتقول خالتك من ابوك "
---------------------------------------
المشهد الثالث
(يدخل عبده أزمات مكتب الناظر)
عبده أزمات (ضاربا تعظيم سلام) " لامؤاخده يباشا "
الناظر " خد راحتك يبنى ما هو سنترال اهلك "
عبده أزمات (اللهم انى صائم ويرفع السماعه ) "سلام عليكم "
تنطلق ضحكه خليعه من هند والاسبيكر مفتوح Speaker
عبده أزمات (يغلق الاسبيكر بسرعه ) " ايوه يحاجه "
هند "بقولك ايه ما تيجى بعد المدفع اكسرلك صيامك وبالمره تتسحر عندى"
عبده أزمات "لا مش هينفع انا اصلى ناوى اصلى التراويح "
هند "نصلى سوا"
عبده أزمات "كسبنا ثواب الجماعه يعنى ...ياهند انتى لو حد سألك عن اتجاه القبله هتشاورى على كازينو الورده البيضا "
---------------------------------------
المشهد الرابع
ام سحلول( فى ضيق) " هنفضل على الفارغ ده لغايه اخر الشهر ولا ايه؟؟؟ "
هند "ده حتى مش كويس عشان سمعتنا "
كراويه "عايزين نشوف شغلنا ده الايد البطاله ناعمه "
هند " انا هتصل بالواد مدحت سبرتو الشيوعى اهو مالوش مله ودايس فى اى حاجه "
هند تطلب الرقم ثم تضغط انهاء المكالمه
كراويه " ليه "
هند " حاطط كول تون اسماء الله الحسنى "
