سلسله قصص المستشار وانا

موضوع: سلسله قصص المستشار وانا 3/16/2009, 12:29 pm

لمستشار و انا
السلام عليكم و رحمة الله وبركاته

الاسم / المستشار و انا

المؤلف / ( تروجان - TheLegend )

الثلاثة فصول الاولى من تاليف تروجان

الخمسة الباقين من
تاليف / ( ليجيند - Legend )

نبدأ مع الفصل الاول

المؤلف / تروجان
الاسم / المبولة و السور

(الجزء الأول)

(الجزء الأول)

فجأه , دخل عليا مستشار المدينه بيقولى ايه ياعم انت سايب المدن بتاعتاك كده ولا سائل فى امها ولا كأن ليها صاحب . قلتله امال انا جايبك ليه ,
مش علشان تصد معايا ,ولا علشان انت عيون اهلك خضرا , هتصيع عليا , المهم , فى ايه؟

جدار المدينه عاوز تجديد, قلتله ياحرامى انا لسه مغيره من كام يوم , قاللى الشعب المعفن بتاعك بيجى يفك زنقته على ام السور والسور مابقاش مستحمل ايه ولا ايه علشان كده هنعمله طوب احمر المرة دى علشان يعيش

قلتله طيب ماكده كده الشعب هيفك زنقته برده على السور الجديد , قاللى لأ ما احنا هنبنى لامؤاخذه مبوله عمومى مكان المتحف , قلتله بس ابنيها بعيد عن دار البلديه علشان الريحه , قاللى متخافش هنعملها بسيراميكا كليوبترا وهنجيب سباك محترم يجيى يشطبها , قلتله طيب والمتحف , الناس هتتثقف ازاى؟ قاللى يا عم الشعب بتاعك جاهل ابن ... مش بيخش المتحف والمتحف كده واقف علينا بخساره ولو خايف على ثقافه الشعب المعفن ده هاتلهم دش عمومى ب2 كامه تشغله الصبح نايل سات وبالليل تجيب الأوروبى علشان الشعب يتثقف كويس

قلتله يعنى هجيب لكل واحد دش فى بيته , هو انا ناقص مصاريف كفايه ام النسخه الجديده اللى خربت بيتى , قاللى لأ ما انا عامل حسابى , هنبنى قهوة على ناصيه الشارع اللى ورا دار البلديه والدش هنحطه هناك واهو القهوة تلم العواطليه اللى مش لاقيين شغل وصايعيين ليل نهار فى الشوارع يثبتوا الناس خصوصا اللى قاعدين على البحر دول

قلتله صح , ايه حكايه الناس اللى قاعده على البحر دى , قاللى دى بقى الناس الهاى كلاس , مش ملاحظ انهم مش بيمشوا من على ام الشط , علشان مفيش وراهم ولاشغله ولا مشغله , قلتله ياعم هاتلنها منهم اى كارت علشان الواد ابنى اتمسك ومعاه حشيش ومهرى ضرب فى القسم وعاوزين نطلعه بواسطه ولا حاجه , قاللى ياعم روح ربى ابنك , بس متخافش هنطلعه , والناس دى برده عاوزين شويه حاجات قلتله يعنى ناس هاى كلاس وعاوزين مطالب , قول ياعم , قاللى عاوزين يتصرفلهم عبوتين كريم ضد الشمس اللى هو 2×1 علشان بيستخدموه كتير وهما على البلاج ومستخسرين يضيعوا فلوسهم على الكربم وكمان عاوزين يغيروا الشمسيات والكراسى اللى على البلاج ومتاضيقين اوى علشان كل شويه بيتقلبوا وهما جوه الميه وبيطلعوا مش بيلاقوا هدومهم وبيضطروا يروحوا لامؤاخذه وهما مش لابسين هدوم

قلتله ياعم سهله , ممكن يروحوا بالليل والدنيا ضلمه , قاللى علشان كده عاوزين نركب عواميد نور علشان الدنيا بالليل بتبقى كحل ومراتى بتخاف تنزل بالليل . ومش بنعرف نتعشى
قلتله كنت هنسى , انا شامم ريحه معفنه اوى والريحه بتزيد لما افتح شباك المكتب فى القصر , قاللى ما ده علشان المجارى طفحت والشارع الى ورا القصر بقى ولا بركه السبع قلتله طيب ما تسلكها , قاللى حاليا مش هأقدر علشان مفيش عمال فى البلديه , استنى لغايه ما السباك بتاع المبوله يجيى وهنقوله على الحوار ده

موضوع: الجزء الثانى 3/16/2009, 12:32 pm

جزء الثانى

(بعديها بيومين)

وانا قاعد فى القصر بتفرج على الشعب وبشوف احواله من شباك المكتب , دخل عليا مستشار المدينه وبيزعق وبيقوللى الوضع كده مش هينفع البلد بايظة من ساعه ما انت مسكتها يابن... (طاااااااخ) روحت انا ضاربه بالشلوت على قفاه وقلتله انت بتزعق لمين يابن.... وكمان مش فى باب لأم المكتب تخبط عليه , قاللى ما انت عامل حيطان المكتب بتاعك كاتمه للصوت من فلوس الشعب يا حرااامى وانا بخبط من الصبح وانت اطرش , قلتله فى ايه؟

قاللى الطوب الأحمر اللى هنجدد بيه السور هيتأخر شويه علشان احنا اساسا سارقينه من مخزن , قلتله طيب انجز الحوار ده علشان السور اللى موجود دلوقتى خلاص , باش وبقى زى العجينه , وعملت ايه فى موضوع المبوله العمومى

قاللى ام السيراميك هيأخر برده علشان كل السيراميك الموجود دلوقتى فرز تانى واحنا عاوزين نعمله فرز اول علشان يستحمل الجماهير الغفيرة , قلتله انت فقرى كل حاجه بتتأخر ومش عاوزه تكمل , قاللى انت اللى فلوسك حرام , قلتله مالكش فيه , وبعدين يعنى , طيب ابعت هات السباك بقى علشان المجارى اللى طفحت فى الشارع اللى ورا

قاللى ما انا بعتله رساله وميسد كول من يومين ومردش عليا , قلتله يا معفن , رساله وميسد كول وكمان من يومين , انت عبيط يابنى؟,قاللى انت اللى مش عارف حاجه , ده الحمد لله انى قدرت اعمله ميسد كول او حتى ابعتله رساله , وعموما انا عرفت اننا على قائمه الأنتظار بتاعت السباك , قلتله سباك وعنده قائمه انتظار! , صبرنا يارب , المهم , عملت ايه فى حوار القهوة

قاللى الإفتتاح ان شاء الله الأسبوع اللى جاى ,قلتله ليه يعنى هو انا هفتح فرع ماكدونالدز , دى قهوة بلدى معفنه , قاللى لا ياخويا علشان الراجل اللى اتفقنا يورد لنا المعسل والشيشه والحشيش والدومينو اتمسك واتحكم عليه ب6 شهور , قلتله ما انا عارف انك فقرى , المهم , وحوار الواد ابنى عملت ايه فيه

قاللى بعتله محامى وهيدفعله الكفاله وهيخرجه , قلتله طيب فى مشاكل تانيه يانحس

قاللى طبعا , هو انت هتشوف خير , امبارح فى عيل وقع فى بلاعه المجارى اللى جنب الأكاديميه , قلتله هو مش فى ام غطيان للبلاعات دى , راحت فين , قاللى الشعب بتاعك الحرامى سرقها , الناس مابقتش لاقيه تاكل فبيسرقوا الغطيان دى ويبيعوها لبتوع الروبابيكيا , الغطا الواحد ب100 ذهبه , يابلاش قلتله وطبعا عاوز غطيان جديده للبلاعات دى ,قاللى اه وكمان جنازير علشان نربط الغطيان فى البلاعه نفسها علشان ماتتسرقش

قلتله خلاص خلاص فكك من السيرة دى علشان ريحه المكان بقت وحشه , قاللى ومدير المخبأ بيشتكى علشان الجواسيس مكسوفين اوى ,قلتله مدير مخبا؟؟ انا اول مرة اسمع بالوظيفه دى , المهم وحضرات الجواسيس مكسوفين بقى ليه ان شاء الله؟؟ , قاللى علشان اليونيفورم بتاعهم شكله وحش اوى وكأنهم لابسين ملايه سرير وعاوزين ييلسوا زى جيمس بوند والناس دى , قلتله اه , النمرده اشتغلت , الناس مش لاقيه تاكل ودول مش عاجبهم ام اللبس , يا اخى يتحرقوا كلهم فى يوم واحد بجاز وسخ وانت تكون معاهم ان شاء الله ,فى حاجه تانى يا مستشار الشؤم انت؟

موضوع: الجزء الثالث 3/16/2009, 12:34 pm

جزء الثالث

اسم الجزء / الجاسوس و الثورة

فجأه , لقينا حرس القصر بيقولوه (هيييييه مسكنا جاسوس مسكنا جاسوس) , ودخلوه بالجاسوس عندى عالمكتب , روحت شاخط فيهم وياولاد ..... , دى بقت تكيه اللى رايح واللى جاى يدخل فى امها , ومسكت الجاسوس واديته قلمين محترمين على وشه وبتاع 15 قفا , ده غير اللى خده من الحرس قبل ما يجيلى , وقولتله انت مين اللى باعتك ياد؟ اعترف يا ابن ال... , الإنكار مش هيفيدك , قاللى مش هعترف ولو عملت فيا ايه, قلتله خلاص استحمل بقى , ياعسكرى , حضر الخازوق مقاس 45 ,الجاسوس قاللى لا والنبى خوازيق لأ انا اتهريت خوازيق وبقيت مش بعرف اقعد , انا هعترف , بس انا حاسس انى هرجع , قولتله الله يقرفك , غور رجع عند الشباك , راح جرى ونط من الشباك زى العبيط من الدور الرابع ونزل على الخازوق اللى كان متحضر له , طبعا مات فى ساعتها

المستشار قاللى لاحول ولاقوة الا بالله , مكتوب له يموت مخزوق , قولتله ياعم كلب وراح , المهم , فى مشاكل تانى يافقرى

قاللى طبعا , مدير المرفأ عاوز يغير لمبه المرفأ علشان بقت قديمه وبتزن طول الليل , قلتله ماشى غيرها , بس هاتها نيازا و60 وات علشان تعيش , قاللى وكمان الدفاتر اللى بكتب فيها السفن بقت قديمه ومقطعه وعاوزه تغيير , قلتله انت شايف الحال , الشعب حاله بقى يصعب على الكافر وانا مش عارف اقعد 5دقايق على بعض فى ام المكتب ده , خليه يكتب على ايده ولو ماكفتش خليه يكمل على قفاه ولو ماكفاش عنده قفيان العمال كلهم , لغايه ما نجيبله الدفاتر

فجأه لقينا هيصه قدام القصر وناس كتير ملمومين وبيهتفوا ويقولوا (ياحاكم ياحرامى , فين العيش الشامى) ,قولت للمستشار قدامك اهه , الناس جعانه ومش لاقيين عيش , ومفيش غير مشروب العنب المعفن اللى ريحته وحشه , قاللى طيب ما تجيبلهم العيش قلتله وانا مالى ما ام النسخه الجديده مافيهاش مخابز ولا افران , اجيبلهم عيش منين , من عند امى , طلع عليهم الكلاب ومشيهم من قدام القصر , يللا

المهم , المستشار طلع عليهم الكلاب , وبعد شويه لقينا دوشه وزعيق فى القصر

ياترى ايه الدوشه والزعيق اللى فى القصر دول ؟ , هنعرف ان شاء الله فى الجزء الرابع

موضوع: الجزء الرابع 3/16/2009, 12:37 pm

الجزء الرابع

اسم الجزء/ هجوم فى المدينة

فجأة كده وانا قاعد لقيت المستشار العسكرى داخل على و بيزعق
وانا كنت لسه صاحى من النوم قمت هارش كده وقلتله ازيك يا معلم

قالى معلم؟؟؟!!!
بقى انا جنرال المدينة دى والجيش تحت امرى و فى الاخر ابقى معلم
قلتله خلص عايز ايه قالى المدينة بتاعتك المعفنة دى بتتعرض لهجوم

قلتله ايه يعنى يعنى هم الجنود اللى هييجوا ينهبوا هيلاقوا حاجة اصلا

قالى اصل المشكلة ان السور بتاعك لسه متبناش و لا المبولة ( راجع الجزء السابق ) ومفيش اى دفاع خالص

بيتهيألى مستشار المدن قالى على حاجة زى كده المهم انا المطلوب منى ايه يعنى
راح ساكت كده وبقى مرتبك قلتله فى ايه اتكلم
قالى بصراحة يعنى مفيش اى جيش يجمى المدينة ولا حتى مقلاع حجارة واحدة

قلتله نعم يا روح ماما... يا ابن الـ .... انا مش لسه مديك ميزانيه تكفى دولة الاسبوع اللى فات عشان تبنى بيها الجيش خدت الفلوس فى كرشك يا حرامى

قالى و الله العظيم ما اخدت حاجة

قلتله امال فى ايه يلا

قالى مهو اصل الجنود بتوعنا مش عجبهم الحال معترضين على الفول و الطعمية و عايزين لحمة وفراخ و ياكلوا زى البنى ادمين وكمان عايزين دروع واسلحة عدلة قلتله امال انت

فايدتك ايه مش المفروض تشرف على طلباتهم مديتلهومش اللى هم عايزينه ليه فهمنى قبل ما ارميك للكلاب

قالى مهو انا اديتهم اللى هم عايزينه

امال ايه المشكلة يابنى

طلباتهم غالية قوى و تأمينهم كده بقى كبير فالدهب خلص ومعدناش عارفين نديهم اللى هم عايزينه ولا حتى عارفين نديهم الفول بتاع زمان فراحوا عملين ثورة عسكرية وسابوا السلاح ومشوا قلتله طب و العمل دلوقتى بقى؟ قالى مفيش غير ان احنا نكلم التحالف يبعتلنا مساعدة قلتله فورا ابعتلى مستشار الديبلوماسية

و جاء المستشار فماذا قال انتظروا الجزء الخامس

موضوع: الجزء الخامس 3/21/2009, 8:11 pm

لاسم / مستشارى الملك

المؤلف / TheLegend ( انا )

الجزء الخامس

بعد ان جاء مستشار الديبلوماسية

دخل على كده بس من غير النضارة

فقلتله الله.... امال فين نضارتك يا عم

قالى اصل الحج مستشار الابحاث اكتشف بتاعة كده اسمها عنسة فانا بجربها

قلتله قصدك عدسة

قالى اه تقريبا بس جامدة اوى و هلونها ازرق عشان تعجب البنات

قلتله

يابن الـ ... بقى انا جايبك هنا عشان تعاكس البنات؟

قالى خلاص خلاص المهم انت كنت عايز منى ايه

قلتله ابعت رسالة لكل اعضاء التحالف ييجوا يساعدونى عشان ييجوا يدافعوا عنى لان المدينة عليها هجوم

فراح الديبلوماسى لافف للمستشار العسكرى وقاله هو الهجوم ده هيوصل امتى؟

قاله كمان 60دقيقة

قاله يااااه بس بالشكل ده منلحقش نبعت الرسايل الراجل اللى هيطلع يجرى من هنا لغاية المدينة اللى جنبنا مش هيلحق يقولهم قبل ال 60 دقيقة دول

قلتله طيب ما تبعت اس ام اس

قالى اصل مستشار الابحاث لسه مخترعهوش

قلتله طيب و العمل

قالى الراجل بتاع الابحاث ده ذكى قوى خليه ييجى ممكن يكون عنده فكرة

قلتله ماشى انا هبعت اجيبه وقمت ناده لواحد من الكتائب اللى موجودين قدام دار البلدية و اديته ربع جنيه وقلتله بقلك ايه يا دفعة انا عايزك تجرى على مستشار الابحاث وتقوله ييجى بسرعة

فماذا حدث بعد ذلك انتظروا الجزء القادم

موضوع: الجزء الخامس 3/21/2009, 8:13 pm

لاسم / مستشارى الملك

المؤلف / TheLegend ( انا )

الجزء الخامس

بعد ان جاء مستشار الديبلوماسية

دخل على كده بس من غير النضارة

فقلتله الله.... امال فين نضارتك يا عم

قالى اصل الحج مستشار الابحاث اكتشف بتاعة كده اسمها عنسة فانا بجربها

قلتله قصدك عدسة

قالى اه تقريبا بس جامدة اوى و هلونها ازرق عشان تعجب البنات

قلتله

يابن الـ ... بقى انا جايبك هنا عشان تعاكس البنات؟

قالى خلاص خلاص المهم انت كنت عايز منى ايه

قلتله ابعت رسالة لكل اعضاء التحالف ييجوا يساعدونى عشان ييجوا يدافعوا عنى لان المدينة عليها هجوم

فراح الديبلوماسى لافف للمستشار العسكرى وقاله هو الهجوم ده هيوصل امتى؟

قاله كمان 60دقيقة

قاله يااااه بس بالشكل ده منلحقش نبعت الرسايل الراجل اللى هيطلع يجرى من هنا لغاية المدينة اللى جنبنا مش هيلحق يقولهم قبل ال 60 دقيقة دول

قلتله طيب ما تبعت اس ام اس

قالى اصل مستشار الابحاث لسه مخترعهوش

قلتله طيب و العمل

قالى الراجل بتاع الابحاث ده ذكى قوى خليه ييجى ممكن يكون عنده فكرة

قلتله ماشى انا هبعت اجيبه وقمت ناده لواحد من الكتائب اللى موجودين قدام دار البلدية و اديته ربع جنيه وقلتله بقلك ايه يا دفعة انا عايزك تجرى على مستشار الابحاث وتقوله ييجى بسرعة

فماذا حدث بعد ذلك انتظروا الجزء القادم

موضوع: الجزء السادس 3/21/2009, 8:13 pm

لاسم / مستشارى الملك

المؤلف / TheLegend ( انا )

تابع حديثى مع الكتيبة اللى تحت القصر فى الجزء ده ( السادس)

قالى بس انا المفروض اقف قدام دار البلدية هى النسخة الجديدة خلت وظيفتى كده

قلتله يا ابن الـ ... مش كفاية مشاكل النسخة الجديدة روح يلا اجرى انده المستشار

قالى لا يا معلم انا مهمتى انى اقف قدام دار البلدية بس

قلتله منت اصلا عيل معفن انت وبقية الشعب المقرف ده انا رايح اندهله بنفسى

المهم انا رحت وبعد اربع ساعات رجعت مع المستشار

فمستشار الجيش بيقولى ايه ده اربع ساعات عشان تيجى

قلتله اصل انا وقعت فى بلاعة من البلاعات اللى الشعب بيسرق غطيانها ابقى قول للمستشار بتاع المدن يحط عليها الجنازير بسرعة

قالى ماشى يا باشا

قمت انا قايل لمستشار الابحاث صحيح هو انت مش كان شعرك ابيض ايه اللى سوده كده

قالى مهو انا بعد ما اديتك الصبغة اللى كنت عايز تعلق البنات بيها حبيت اجربها على نفسى

راح الديبلوماسى قايلى وكنت عايز تطردنى عشان العدسات محنا طلعنا زى بعض اهوه يا معلم

المهم يلا بقى نقول للحج بتاع الابحاث ده عشان يفكر معانا

سألته يا عم المستشار لسه مخلتش اختراع الاس ام اس عايزين نكلم التحالف بسرعة

قالى لا انا لسه مخلصتوش

قلتله وطيب و ايه الحل

قالى بفى بحث اسمه الرجال الالية ده هيخلينا نعمل عملاق بخارى ونصد الهجوم

قلتله بينا على الثكنة عشان نعمله هناك

قالى حيلك حيلك انا لسه مخلستوش قدامى عشر ايام

قلت له طيب يا معلم خليك جدع كده ومن غير ما حد ياخد باله قدم الساعة بتاعة الكمبيوتر اللى تحت و البحث يخلص بسرعة

قالى لا لا انا مقدرش

قلتله هنشتغل بقى فى شغل الشرف و الكلام الفضى ده

قالى لا يا عم اصل الموضوع ان الاخ كول بوى لم شم خبر ان احنا بننصب هيقوم قافل الحساب و هنبقى احنا الاربعة و انت خامسنا فى الشارع وانا عندى اربع عيال و عايز اكل

قلتله اخخخخخ هنعمل ايه بقى دلوقتى

فجأة سمعنا صوت زعيق تحت

ببص من الشباك لقيت مستشار الديبلوماسية بيتخانق مع الكتايب اللى جت فى النسخة الجديدة دى عايز يدخل وهم بيقولوا ان انا فى اجتماع مينفعش يدخلوه

فقلتلهم خلاص خلاص دخلوه

بعد ما طلع قالى عندى ليك خبرين واحد حلو و اتنين وحشين

قلتله كده يبقى تلاتة

قالى يا عم سيب الحاجات دى لبتاع الابحاث هو اللى بيفهم فيها

قلتله خلاص خلاص مش ناقص تخلف عقلى فى ايه؟

قالى الخبر الحلو ان انا دفعت الكفالة لبنك و خرجته خلاص

قلتله عفارم عليك

قالى الخبر الوحش ان اخر دهبة معانا خلصت فى الكفالة

قلتله يابن الـ ... يتحرق الواد بجاز وسخ المهم الدهب
وايه الخبر الوحش التانى

قالى الاربع ساعات اللى رحت تجيب مستشار المدن فيهم كان جيش العدو وصل اصلا خلاص و دخل المدينة فى 20 دقيقة 19 منهم بيضحك ودقيقة واحدةبس اقتحام فعلى ونهب المدينة كلها

قلتله يا نهار اسود

اطلعوا بره انتوا الاربعة يا ولاد الـ ... وسيبونى افكر هنعمل ايه مع المدينة بنت الـ ... اللى هجمت علينا دى

موضوع: الجزء السابع 3/21/2009, 8:17 pm

بعد ما طردت الاربعة من المكتب قعدت افكر هعمل ايه هعمل ايه يا ترى

قمت مطلع الموبايل اللى مخبيه عشان مستشار الابحاث ميشوفوش اصل هو لسه مخترعش الحاجة دى انا جايبها مستوردة و مش عايزه يزعل

وقمت مكلم قائد التحالف

قلتله ايوة يا باشا

ايوة عايز حاجة؟

صحتك يا باشا

قالى مشكور

قلتله هو سيادتك لسه ملقيتش حل لمشكلة نقاط الديبلوماسية اللى فى النسخة الجديدة

قالى لا و الله قول ما اجى اسلم النقط الراجل الموظف بتاع الشباك يقلى انى محتاج نقط اكتر من ذلك

اقله مهم كتير اهوه

يقولى مليش دعوة هم المبرمجين عملونى رزل فى النسخة دى مش ذنبى

المهم انت عايز ايه

قلتله فى الحقيقة واحد من القرية اللى جنبنا جه و نهب المدينة وانا عايز مساعدة

قالى ايه الموارد اللى اتسرقت منك

قلتله ثوانى اما اسأل مستشار الزفت المدينة

قالى ماشى

قمت طالع البلكونة فى البلكونة بتاعة القصر اصل انا ببات هناك وبشتغل فى دار البلدية

وانا خارج لقيت ثورة قدام القصر

فبقول لواحد هناك هو ايه سبب الثورة دى

قالى مشروب العنب خلص و احنا مش لاقيين ناكل

قلتله و انتوا هتعملوا ايه؟

قالى كل العمال اللى فى المناجم و المنشرة مش راضيين يشتغلوا

قلتله طيب ما هو الحاكم معهوش فلوس هيعمل ايه يعنى

قالى ده راجل بن .... بياخد الفلوس فى كرشه هو و المستشارين بتوعه دول اللى حططلى عدسات و اللى حاطط جل و سابغ شعره

قلتله عارف انا مين؟

قالى مين يعنى؟

قلتله انا الحاكم اللى بتشتم فيه من الصبح يا حبيبى

قالى والله العظيم يا باشا انا معرف حاجة ده جاى هنا اهدى الناس اللى بتعمل ثورة دى

قمت انا طالع للحراس قلتلهم مشوا العيال اللى هنا دى احنا مش ناقصين

الواد ده جاى يمشى معاهم

قلت رايح فين يا روح ماما تعالى هنا يا حبيبى

يا حراس خبوه فى المخبأ و بكره الصبح تقولوا انكوا مسكتوا جاسوس و عايزكم تظبطوه كده

قبل ما يمشى

قلتله انت بتشتغل ايه يلا

قالى انا عاطل يا بيه

قلتله استنى استنى العواطلية بيطلعوا اربعة دهب فى الساعة و الدهب ناقص عندى خلاص سيبوه يا رجالة

الواد ما صدق و طار على بيتهم

المهم انا كملت الطريق لغاية مستشار المدينة

لقيت البلاعات اياها الللى ضربت قبل كده دى الظاهر السباك ابن الـ ... ده مش ناوى ييجى

دخلت على المستشار لقيته قاعد بيتفرج على التلفزيون

قلتله نعم يا روح ماما

بقى الديبلوماسى جاب صبغة و بتاع العسكرى ده جايب عربية

وانا اللى بقول عليك المحترم اللى فيهم طلعت انت كمان عندك تليفزيون و مخبى على؟

قالى و الله العظيم انا كنت متفق مع مستشار الابحاث ان انا استمتع بيه شوية و بعد كده نوزعه على الشعب عادى يعنى

قلتله ماشى يا برئ ماشى

المهم انا عايز تقرير مفصل عن اللى اتنهب فى المدينة و ايه اللى باقى

قالى كل حاجة اتنهبت معدش فيه حاجة خالص

قلتله ليه ان شاء الله مستوى المرفأ بتاعنا مش عالى و اكيد اللى اتنهب مش كتير

قالى ايوة بس النسخة الجديدة النهب بيعتمد على مرفأ الخصم وممكن يفضى المدينة حتى لو انت مش بانى المرفأ اصلا

قلتله يخربيت ام النسخة الجديدة دى

المهم النسخة الجديدة مفيهاش نهب ذهب ايه اللى اتبقى

قالى اخر دهبة دفعناها كفالة لابنك الحشاش ده

قلتله طيب ماشى عندكوا حمام

قالى اه تانى باب اللى هناك ده

قمت داخل وقبل اى حاجة سديت مناخيرى

و طبعا انا مدخلتش عشان اعملها لا عشان اتكلم فى الموبايل من غير ما حد يشوف

كلمت القائد و قلتله كل حاجة اتنهبت و المدينة فاضية خالص

قالى طيب انا هتصرف

قمت بفتح الباب كده

لقيت الواد المستشار حاطط ودنه و بيسمع

قلتله يابن الـ ... بتجسس على سيبت ايه لمدير المخبأ

وبعدين انت عرفت منين انى هتكلم وانت متعرفش الموبايل اصلا

قالى يا عم من ساعة ما مدير المخبأ حط ميكروفونات فى اوضتك و احنا عارفين كل حاجة

قلتله انتوا بتتجسسوا على يا ولا الـ ...

قالى لا يا عم ده احنا بنطمن عليك بس

قلتله ماشى يا برئ ابقى عدى على الراجل بتاع الديبلوماسية قوله ان قائد التحالف هيبعت معاهدة عسكرية علشان ييجى يساعدنى قوله يوافق عليها

قالى ماشى لسه رايح يروح

قلتله وعدى على الراجل بتاع الجيش قوله ان الجنود دى تبعنا بتاعة القائد ميحاربهاش

قالى ماشى يا معلم

وقام رايح

يا ترى ايه اللى حصل بعد كده تابعونا الجزء التالى

موضوع: الجزء الثامن 3/21/2009, 8:18 pm

بعد ما الراجل بتاع المدن مشى

وقفت لوحدى افكر اعمل ايه

المهم فضلت بسبح فى تفكيرى لحد ما غرقت

لا مغرقتش وانا بسبح غرقت فى الماسورة اللى ضربت فى الشارع من الجزء الاول

المهم خدت نفسى ورحت على دار البلدية وقفلته

وروحت على القصر ابات هناك وبمجرد ما دخلت الاوضة بتاعتى وبمجرد ما حطيت راسى

غرقت تانى بس المرادى فى نوم عمييييييييق

ودى كانت نهاية اكتر يوم متعب من ساعة ما كسبت فى انتخابات رئاسة الشعب ده

اليوم التالى

صحيت من النوم فى القصر بتاعى و اخدت افطار ممتاز مستورد من لعبة تانية لان اللعبة دى مفيهاش غير العنب و ده بيجيبلى مغص

بعد ما خلصت الفطار وقفت على الربوة اللى القصر مبنى فوقها

وطلعت على المبنى الابيض اللى جنبه ده

وقمت ناطط اخدت غطس كده محترم

وبعد شوية العالم المقرفين اللى واقفين بيعوموا علطول دول جم وقفوا جنبى فاتخنقت وطلعت البس هدومى

اول ما طلعت

لقيت المستشار بتاع الديبلوماسية فى وشى

قلتله حد ييجى لحد الصبح كده

قالى مهو الموضوع جدا

قلتله ايه؟

قالى الواد اللى هاجمنا ده رجع يهاجم تانى

قلتله ايه يعنى ما القائد حاى وهيدافع عنى والا انت ما قبلتش المعاهدة لو ده حصل تبقى ليلتك طين

قالى لا لا قبلتها بس فى مشكلة

قلتله ايه؟

راح مستشار الجيش الى كان وصل معاه قايل

الحقيقة طبقا لحسابات مستشار الابحاث فجيش الواد ده هيوصل قبل جيش القائد بفترة كبيرة

قمت قايله متأكد؟

قالى و الله هو اللى بيقول قعد يقولى متوسط المسافة فى السرعة على دهد المشى وكلام فاضى كده مفهمتش منه حاجة غير انهم هيوصلوا الاول

قلتله لا بقى انا مش كل يوم اتنهب كده لازم فى حل

قالى انت ليك اربع مدن ليه متجيبش جيشك من واحدة منهم

قلتله مهى هياها يا ذكى هيوصل متأخر برده

قالى لا لا انا عندى فكرة كويسة

قلتله قول

قالى بص المدينة بتاعة الواد ده معظم الجنود اللى فيها جايين علينا وده طبقا لمعلومات المخبأ

و احنا كل ما علينا اننا نهاجم

قلتله اخرس ياض هو احن عارفين ندافع عن نفسنا عشان نهاجم

قالى مهو ده الذكاء

احنا هنسيبه يهاجم على المدينة دى

وفى اخر ربع ساعة نفضيها خالص من الموارد

وفى نفس الوقت احنا نبعت كل الجيوش بتاعتنا على مدينته

و بكده هو هييجى مش هيلاقى حاجة

واحنا هنقدر نهاجم مدينته

قلتله يخربيت عقلك عبقرى

المهم انا جهزت الجيش وبدأنا فعلا نروح على المدينة دى

وقبل ربع ساعة من الوصول حاتلى رسالة مهمة جدا بتقولى اوقف الهجوم

ترى من من تكون الرسالة وما محتواه انتظروا الجزء القادم

موضوع: الجزء التاسع 3/21/2009, 8:23 pm

فجأة وانا على بعد ربع ساعة من المدينة

لقيت مستشار الديبلوماسية بيجرى ورايا

قلتله فى ايه يا عم

قالى ( تحالف - جيش - ممنوع - ارجع )

قلتله خد نفسك كده بس وقلى فى ايه؟

راح قايلى

وصلت رسالة من التحالف بيقولوا فيها ان الواد ده من تحالف كبير ودول بتوع مشاكل احنا مش قدهم فالقائد بيقولك ارجع بسرعة عشان منعلنش حرب

قلتلته

نعم؟؟؟؟؟؟؟؟؟؟؟؟؟؟؟؟؟؟؟؟

بقى هو يفضى المدينة كلها وكل ده بحجة انه من تحالف كبير

و الله العظيم مانا راجع

قالى طيب و القائد؟

قلت يخبط دماغه فى الحيط وكمان لما نرجع ابقى فكرنى اعدى على السفارة اخرج من التحالف

قالى انت حر بس ما انصحكش

قلتله ليه؟

قالى اصل بيفرضوا على اللى يخرج غرامة 30 الف من كل مورد

قلتله مش دافع و اعلى ما فى خيلهم يركبوه

المهم قولى انت وصلت هنا ازاى بالسرعة دى؟

قالى اصل مستشار الابحاث لسه مخلص بحث بيخليه يعمل حاجة كده اسمها طيارة تقريبا وهو وجدها فرصة انى اقلك و بالمرة يجرب او نسخة

قلتله فعلا؟

قالى اه ايه المشكلة يعنى

قلتله دى مش مشكلة دى فرصة عظيمة و بصيت فى خبث كده ومحدش فاهم حاجة

وفجأة لقيت تراب رهييييييييب ماشى

قمت واقف فوق حتة عالية وبشوف فى ايه؟

لقيت جيش جرار رهييييب من كل انواع الجنود

قلتله ايه ده يا نهار اسود

قالى مهوه انا نسيت اقلك ان تحالفه هيساعده

قلتله يابن الـ ... لسه فاكر تقول هنعمل ايه دلوقتى

قالى مفيش غير اننا نتقدم ومتخافش ان شاء الله مش هتتعرض للتعذيب لما تتأسر

قلتله هو فيها تعذيب كمان

قالى امال ؟؟؟؟ ده فيه بلاوى زارقة مستنياك هناك

ولسه بتكلم لقيت الارض بتترج

وجيشهم وصل

وبدأت المعركة

ماذا حدث فى المعركة ؟؟؟؟ انتظروا الجزء القادم

موضوع: الجزء العاشر 3/21/2009, 8:25 pm

اول ما جه الجيش و التراب يلف المكان كله

اول حاجة عملنها كانت.... نكح طبعا

المهم بعد ما الجيش وصل لقيت القائد بتاع المدينة التانية واقف مع جنراله

وبيقول

يا عينى هو ده اللى قدرت تجيبه انت وجنرالك المعوق ده

قمت قايله انا مسمحلكش انك تقول عنى وجنرالى .....

ديب قلم على الوش ظبطتنى علطول

قالى نعم يا حبيبى انت عارف انت بتكلم مين

قلتله بكلم مين يعنى انا هوريك

وقمت مشاور للجنود

يلا يا رجالة

يلا يا رجالة

الله متيلا بقى يا رجالة

جيت الف كده لقيت مقاليع الحجارة غرقت المكان و المبارزين افتكرت فجأة ان فى حاجة مهمة لازم تعملها و الكتائب دى بقى كانت صريحة ماحاولتش تستعبط هى رمت الدروع وجرت علطول

قمت لافف للراجل اللى قدامى وبلعت ريقى بالعافية

وقلتله ايوة يا باشا عايز حاجة منى يا سيد المعلمين

قالى لا ولا حاجة انت و الديبلوماسى بتاعك ده هتتفضلوا معانا يومين تقريبا وبعد كده هتتفضلوا تطلعوا عند اللى خلقكوا

قلتله اللى تؤمر بيه يا باشا

قالى لا يلا بينا

قلتله بس ممكن استأذن حضرتك فى حاجة

قالى ايه

قلتله هو احنا يعنى هنقعد نمشى من هنا لغاية المدينة ؟

قالى لا طبعا احنا هنركب الهيلوكوبتر و نرجع المدينة متعرفش يعنى ايه ؟ دى حاجة كده مستشار الابحاث المتخلف عقليا بتاعك لسه مكتشفها النهردة بس احنا عارفينها من زمااااان

قلتله يا عمى اللى مكتشفها يشكتفها المهم انى هركب

قالى ومين قلك انك هتركب

احنا هنركب وحضرتك زى الشاطر كده هتمشى من اتنين كتائب و هتزحف على الارض لغاية ما تجيلى

قلت فى نفسى ( يلعن ابو كده الراجل ابن ... ده هيقعد يذلنى كده طول ما انا فى الاسر )

بس طبعا مقلتلوش كده ده كان فى سرى و قدامه ابتسمت بلطف وقلتله حاضر يا كبير

داخل المدينة

المشهد / سور شاهق بارتفاع عظيم يصل الى عنان السماء و يقف امامه جنديان

انا / ازحف على الارض مثل الكوماندوز و انا هيغمى على من التعب و الارهاق

بعد المشوار المتعب ده دخلت المدينة

ووقفت فى قصر الراجل اللى هناك

قلتله هو سيادتك مش هتفك اسرى بقى انا تعبت من الذل اللى انا فيه ده

قالى اخرسسسسسسس هنا محدش يعترض ابدا ابدا

يا حراس خدوه يتعذب عشان اعتراضه ده

قلتله يا عم حرام عليك ده انا غلبان

قالى هممم طيب سيبوه

قالى بص يالا اقتراح الاسرى اللى كان فى المنتدى اترفض

عشان كده انا مينفعش اسيبك معايا فيا ترى اعمل فيك ايه؟

قلتله تطلق سراحى ؟

قالى لا طبعا احنا هنبعتك على المخبأ و هنتصرف معاك هناك

خدوه يا حراس ودى كانت نهاية المشهد ده

المشهد التالى

المكان مخبأ مدينة العدو

قائد المدينة المجاورة داخل المخبأ بتاع مدينته وبيسأل المبارز اللى واقف يعذبنى

لسه معترفش كام عدد القوات اللى فى مدينته

المبارز : لا يا فندم

طيب وايه الاساليب اللى اتخذتوها معاه؟

يا فندم احنا عاملناه برفق لانه حاكم مدينة زى ما حضرتك قولتلنا

احنا قطعنا منه صباعين و شيلنا ضوافره وجلدناه مش فاكر كام جلدة اصل احنا علقناه لمدة يومين وقعدنا نجلده متواصل

راح القائد قايله طيب استمروا لغاية ما يعترف

وجربوه تكهربوه برده

قام العسكرى قايله

يا فندم مستشار الابحاث لسه مكتشفتش الكهرباء

قالى طيب ايه رأيك ان احنا نـ .....

وانقطع كلامه على صوت قذيفة هاون انفجرت بجانب المخبأ

القائد : مين ابن الـ ... اللى بيهاجمنا ده لولا ان تكسير المبانى متفعلش كان زمان المدينة مفرومة

وفجأة الجنرال العسكرى بتاعى ظهر وكان واقف جنب قائد التحالف جواه طيارة هيليكوبتر

ووسط صرخات جنود العدو الذين اذهلتهم المفاجأة

ووسط صرخاتى الفرحة بوصول النجدة

تقدم قائد التحالف

فكانت كلماته مدهشة اتسعت لها العيون

فماذا قال؟ تابعوا الجزء القادم و ارحمونى بقى انا مش هقعد اكتب متواصل كده علطول ;(

موضوع: الجزء الـ 11 3/21/2009, 8:29 pm

المشهد / غبار و قذائف ودوى الرصاصات يتصاعد لعنان السماء

مبارزين يموتون على دروع كتائب و دروع كتائب تخترقها نيران رماة

قائد التحالف يتكلم فتتسع العيون دهشة فماذا يقول؟

هيا بنا نقترب

نستمع

الى ما يقول

الجزء الثانى عشر

بعد الحج قائد التحالف ما جه الله يخرب بيته فضل سايبنى اتعذب اسبوعين كاملين مرمى فى المخبأ ما علينا المهم انه جه

قائد تحالفنا الخائف يتكلم بصرامة و قوة !!!!

يتكلم و يهدد و يقاتل بعدما كان خائفا !!!!

ها هو ذا يتوعد باقامة حرب مع التحالف الخصم

وها هو ذا الخصم خائف امامه و يحاول اخفاء جبنه

شئ لا يصدقه عقل

المهم ان القائد بتاعنا هدد باعلان الحرب على المنتدى

و الاخر لم يهتم بالتهديدات

وبدأت المعركة

اقدر اعمل زى الكتاب الانجليز و اقعد اشرح المعركة رمية رمية و طلقة طلقة و ذبحة ذبحة لكل جندى

وممكن اعمل زى العالم الفرنساوية واقول انها كانت معركة و فلان كسب و خلاص

وبما ان انا مش فاضى دلوقتى فانا هقتدى بالخواجات الفرنساوية

بعد معركة دامية تصاعد فيها الغبار الى عنان السماء

بعد قتال مرير و بعد جهد مضنى

ها هو ذا قائد تحالفنا ينهض من بين الجسس

ينهض كالصقر المنتصر

ينهض فوق تراب مدينة محطمة

ينهض بشعره الثائر بكل ثورة

لينقض على المعتدى

المهم يعنى ان احنا كسبنا و خلاص

وبعد 20 دقيقة كنت فى المدينة بتاعتى

وهناك قدام السور

لقيت الكتيبة اللى بتبقى واقفة فوق دى بتوقفنى

و بتقول

كلمة السر؟

قولتله كلمة سر ايه يلا مفيش كلمات سر هنا

قالى مليش دعوة دى اوامر المستشار العسكرى مفيش دخول من غير كلمة السر

قلتله بقولك ايه انا مش فايق

العالم المبرمجين دول رفضوا اقتراح القطر اللى بينقل فى الجزر وانا جاى من هناك مشى فارحمنى بدل و ربنا ما هتشوف ليلة ما يعلم بيها الا ربنا

قالى مليش دعوة

قلتله الجملة اللى كل مصرى بيقولها تقريبا

انت مش عارف انا مين يلا؟

قالى انا مش باخد اوامر غير من قائدى المباشر

قلتلته طيب انا بقى مش ماشى من هنا الا لما ادخل

وكانت ليلة ليلاء توالت فيها المفاجآت

فكيف استطعت الدخول؟

و ما الذى يخطط له المستشارون الاربعة من ورائى و ما الذى يقصدونه من منعى من الدخول ؟

تابعوا الجزء القادم و ارحمونى شوية بقى ;(

موضوع: الجزء الـ 12 3/21/2009, 8:31 pm

استرجاع سريع كده لاخر تطورات الموقف

بعد التعذيب اللى تعرضله فى الاسر خرجت على ايد قائد التحالف رجعت و فوجئت ان الكتائب اللى واقفة فوق السور مش راضية تدخلنى

نعود الى الحاضر

الجو برد جدا و انا ميت من الجوع وهتجنن مين اللى اده اوامر انى مدخلش

طبعا انا قاعد افكر هدخل ازاى

اكيد هعمل نفسى السباك اللى جاى يعمل المبولة و السور البايش

وده كان الحوار

رحت كلمت نفس الجندى الرخم وقلتله ايوة يا دفعة

انت مين؟

انا الميكانيكى جاى اظبط المبولة و المواسير و كمان شوية هظبط السور المعفن اللى انت واقف عليه ده

هممممممممممم طيب ثوانى

راح مطلع الاسلكى ( متسألنيش جاب ازاى واحد ميعرفش غير الدرع و ماسك لا سلكى هو كده مش عاجبك متقراش و بلاش ملاحظات ذكية Wink )

ولقيته بيتكلم كده

حاولت اسمع

ايوة ... ميكاني .... مبولة .... موسير ... ور دايب

صوت مش غريب على بيقول : وك ... دخله .... تشه ...

دى الحروف اللى قدرت اسمعها و الصوت فعلا فضل عالق فى دماغى

المهم دخلت المدينة و انا فى دماغى استفسر عن الوضع بسرية

ورحت على دار البلدية و غرقت من الماسورة اياها اللى حاسس انها بتغير مكانها كل شوية

و عديت على الحرس اللى واقف لقيت مراتى اللى لابسة احمر من اول النسخة الجديدة بتتخانق مع الحرس اللى واقف هناك

ابنى يا ناس و جوزى

جوزى .. سبعى ... جملى ... اللى مستتنى و اللى موكلنى اللحمة

بقى حد يصدق ان حوزى يموت فى الحرب و ابنى يتحجز عليه فى نسخة واحدة

قلت فى نفسى فى حاجة غريبة مين قال انى مت فى الحرب

المهم انى عديت عشان اطلع فوق

و لسه داخل المكتب بتاعى

لقيت مستشار المدن قاعد على مكتبى بيشرب قزازتين بيرة مع الديبلوماسى

نياهاهاهاها

الديبلوماسى : ايه رأيك بقى فى الفكرة بتاعتى

المستشار : عبقرى ولا مستشار الابحاث

الديبلوماسى : بس شرانى شوية صح؟

شرانى ايه يا عم احنا عملنا حاجة

ايه؟؟؟ بعد ما خليتنى ابعت رسالة اشتم فيها الراجل بتاع المدينة اللى جنبنا عشان نولع حرب و رسالة لرئيس التحالف اقله فيها ان هو ميقدرش يعمل حاجة عشان خايف و ادى انطباع للريس ان القائد خايف

بعد كل ده و معملناش حاجة؟

قلت فى نفسى يا ولاد الـ .... هو ده سبب الحرب و عدم مساعدة القائد فى الاول وهم اللى منعونى من الدخول

هو صاحب الصوت

وسكت عشان اتابع و انا مش مصدق نفسى

المستشار : يابنى احنا شغالين فى صالح البلد وهو كان اهبل و كان لازم نطيره عشان نظبط الاوضاع

و سلام بقى و هكمل بكره لان فى مفاجآة مذهلة هنتورط فى لوحة الدعم الجديدة فسبب ... بلاش احرق الجزء اللى بعده

موضوع: الجزء الـ 13 3/21/2009, 8:37 pm

انا كنت واقف ورا الباب باعتبار انى السباك اللى مجاش من الجزء الاول لما معرفتش ادخل من السور
و كنت بسمع مستشار المدن و الديبلوماسى بيتآمروا على

نبدأ بقى

و انا قاعد اسمع جاتلى حالة هلع شديد جدا و قعدت و را الباب مش عارف اعمل ايه

و فجأة

مستشار المدن لقيتوا بيقول ادخل ياللى على الباب

فاترعبت و قولت انى اكيد اتكشفت

جوه بقى ياااااااااااااااااه انت لسه فاكر تيجى

قمت قايل اه تىئبيئل سيبلءياؤل .!!@؟َ؟ٍِ]

قايلى نعم؟

قلتله ايه فى الحقيقة و انا جاى كان فى مدينة كده جنبكوا فيها كام ماسورة ضاربة فى البحر و الناس مش عارفة تعوم

قالى طيب ماشى المهم

انا عايزك تروح اول حاجة تصلح الماسورة الطفحانة و و تعدى كده تشوفلنا المبولة و السور

انا طبعا كنت سرحان اعمل ايه قمت قايله طيب و خلاص

و لسه جاى امشى

لقيته بيقولى تعالى يا حبيبى

انا شفتك قبل كده؟

قلتله اكيد لأ لانى اول مرة اتعامل معاكوا

ههههههههههههههههههههههههههههه

و فجأة راح قايم شايل الشنب و الطاقية و قايلى انت فاكر انك مثلا هتضحك على

قمت باصص برعب كده و سكت

قايلى انا عندى اكتر من فكرة

هممممممممممم

اظن ان احنا ممكن نجيب خازوق 45 اللى قتلت بيه الجاسوس عشان تجرب

فجأة قمت انا قايل اقتحاااااااااااااااام

قام الكتايب اللى تحت داخلة

و قمت قايله انت فاكر يعنى انى اهبل انا كلمت الكتائب تحت قبل ما اجى نياهاهاهاهاها

ببص جنبى كده و انا ميت من الضحك

لقيت الكتائب واقفة قدامه بتقوله واحد بيولع السيجارة وواحد بيلمع الجزمة

اه يا ولا ال ... يا خونة

هاهاهاهاههاهاهاهاهاها

اندهولى مستشار الابحاث فورا

قمت قايل حتى المستشار معاكوا

قالى مستشار مين اللى معانا يابنى ده عنده شرف و ضمير و حاجات كده

و بعد اربع ساعات الجنود و صلوا

انتوا كل ده بتعملوا ايه؟

معلش يا باشا اصل البلاعة اللى قدام بيت المستشار واسعة و بتاخد ناس كتير

اه طيب

المهم ببص جنبى كده لقيت شوية لحمة مفرومة و وواحد و عدسة كان المفروض انها متعلقة على الدماغ مدشدشة خمسميت حتة

و بصعوبة قدرت اميز مستشار الابحاث

و هم بيجبوا الخازوق 45

فجأة صوت رهيب بيرج الارض

و لقينا عملاق بخارى طالع فوق و مستشار الجيش بينط و بيقول

سيدي! سوف أطلعك على جميع تحركات قواتنا,وأخبرك عن مجرى المعارك وسأطلق الإنذار فوراً عندما نهاجَم سيدي!

و بيقولى الحمد للله مستشار الابحاث اكتشف العملاق البخارى قبل ما يتقبض عليه

قلتله انت كل ده فين

قالى انا كنت مسجون فى المخبأ على يد القذر ده

و انت فاكر يعنى ان عملاق واحد هيخليكوا تستعيدوا السيطرة؟

راح قايل عملاق و احد لا بس 100 عملاق واقفين تحت اه

بيبص تحت لقى الكتائب كلها مرمية فى الارض و مربوطة و بتصوت

و اعلن الاستسلام

ومن هنا يخلص الجزء العادى و نبدأ الجزء الكوميدى

بعد الانتهاء من تلك الازمة و الخروج من دار البلدية الى الحرية كان هذا ما حدث

خرجت من هناك خرجة المنتصر و لاحظ انى بقول خرجت مش اخرجت اللى يعرف عربى كويس هيفهمنى

المهم

و انا ماشى هناك اول حاجة عملتها رميت المستشار الخائن فى المخبأ لغاية ما اشوف هعمل ايه

و بدأت فى محاولة تظبيط الامور

جنرال!!

نعم سيدى
انت تعدى فورا على الاكاديمية تشوفلنا عالم ذكى كده يكون مستشار الابحاث لانه مش هيقدر يكمل بعد الظروف العنيفة السابقة و تعدى على الثكنة تشوفلى جنرال جديد

جنرال جديد ليه مش انا موجود؟

قايلى مش انت كنت خاين برده؟

قايلى لا ده انا اللى انقذتك

اه معلش اصلى مشغول بالواد الحشاش ابنى و بفكر هعمل ايه

طيب انت تعدى على عامة الشعب تختارلى واحد لبق كده ياخد مكان الديبلوماسى

4 دقايق و ارجع

بعد الاربع ساعات ( لاحظ ان البلاعة لسه متشالتش ) لقيته راجع

معلش يا فندم اصل وانا معدى من جنب بيت المستشار

ايوة ايوة عارف المهم عملت ايه

اتفضل يا فندم

ده المهندس المدنى مدنى

قمت باصصله و قلتله و انت ايه مميزاتك يا مدنى

مرحباً ! أريد كمستشار لمدينتك أن أطلعك على أي شيء مهم يحدث في مدينة من مدنك

لا يابابا

اللغة العربية ده عند طنط توحة اطلع بره انت مطرود

يا فندم مفيش غيره و ده مهندس مدنى هيفيدنا فى المدن

طيب خليك هنا بس على فكرة مفيش دهب خالص و مفيش مرتب

قالى انا مهمتى خدمتك يا باشا من غير فلوس

كده تعجبنى

اللى بعده

ديبلوماسى جديد يا فندم

و ايه مميزاته ده

ده متزد عليه اسكريبت من برنامج الجريسر مانكى و يقدر يحرك عينيه و يتحرك و هو فوق

قلتله حلو ده ببطارية؟

ايوة يا فندم

طيب و المستشار الجديد فين

قالى مستشار ايه؟

انا قريت على المنتدى اقتراح مستشار جديد يعرض مشاكل المدن

لا يا فندم باسو مقبلش الاقتراح ده فمفيش

طيب مش مهم

طيب اتفضلوا انتوا و تعالوا بكره تستلموا الشغل

بس يا فندم بصراحة

في ايه؟

تابع الجزء التالى

فى ست متوحشة لابسة لبس الاعدام الاحمر تحت بتتخانق مع الكتايب

قلتله طليقتى اللى زادت فى النسخة الجديدة؟

قالى تقريبا

قولتله متخافش

ماشى

و طبعا مجرد ما نزل الراجل صراخه سمع اخر الدنيا

قمت باصص من الشباك

بلاش تاكلى الضيوف يا تحية

ابقى شوفلى واحد تانى بدل الديبلوماسى ابو اسكيربت ده ده يا جنرال

اوف ... حاضر يا باشا

بالمناسبة يا باشا فى اقتراح على المنتدى ان احنا نستخدم الحيوانات زى الاسود و الفهود فى الحرب لو اتقبل هنكون مضطرين نعلى الثكنة

طيب و ابقى خد تحية معاك بالمرة تدربهم هى عندها خبرة فى اكل اللحوم

طيب ماشى

ترن ترن

الموبايل ابن ال ـــ ده انا مش ظابطه على بوس الواوا بيعمل ترن ترن ليه و الله لمورى مستشار الابحاث عشان يشتغلنى و يقولى صلحه

لا يا باشا الموبايل سليم ده السور

اه تلاقيه السباك و صل اخيرا

عند الكتائب

حاسب يا بنى منك له اما نفتح

و لقينا قدامنا راجل كده مبرأ و منظره يرعب

انت ذا ليجند ؟

لا يا باشا و قمت مشاور على الجنرال و قلتله هو ذا ليجند بس حضراتكوا عايزينه ليه؟

متهم فى قضية دفع موارد

ايه دفع موارد ده؟

ده القانون الجديد

طيب انا مكنتش اعرف؟

يعنى انت ذا ليجند؟

ايه ا أ أ اه انا

طيب اتفضل معانا

شمعوا المكان يا رجالة

شمعوا ايه انت مش عارف انا مين؟

مين يعنى

انا قريب كول بوى شخصيا

مش ذنبى حتى لو انت باسو نفسه انا مهمتى انفذ الاوامر

انت هتشوف انا هعمل ايه

يلا يا عم معانا على الحبس

مستشار المدن الجديد

واضح ان مليش عيش هنا

انا سمعت ان فى لعبة اسمها ترافيان و بيبقوا محتاجين مستشار مدن فى الاول هبقى اعدى عليهم اقدم اوراقى هناك يلا سلام قشطة عليك

ماشى ماشى هتشوفوا لما ارجع من الحبس

و قمت مطلع الموبايل و كاتب موضوع على المنتدى اشتكى فيه الادارة و حطيته بسرعة

و فى الحبس

تهمتك ايه يا معلم

انا دفع موارد

نياهاهاهاهاها

محسوبك متولى او فى اللعبة متوليونو تعدد حسابات

و انت

انا اتصال بالاصاطيل

وانت

انا منوعات

وانت

شتم و قذف

طيب سيبونى انام بقى لحد ما اشوف الرد على المنتدى بالليل

راح مكشر على اسنان عمرها ما شافت معجون الاسنان

و قال

تنام ايه انت لازم تاخد اسطباحتك و لازم نحييك

قلتله تحيونى ازاى يعنى و بالمناسبة ابقى اغسل سنانك قبل ما تيجى الزنزانة

قالى

معلش المستشار بتاعى لسه مخترعش المعجون و بالنسبة للتحية

احنا هنحييك على طريقتنا

نياهاهاهاهاهاه

و تتصاعد الضحكات

و تتصاعد منى الصرخات فى تلك الليلة الليلاء فى سجن اللعبة

تانى يوم

صاحى متكسر خمسميت حتة بعد اسطباحة امبارح او علقة امبارح

و اول حاجة عملتها فتحت الموبايل و داخل على المنتدى

لقيتوا بيقولى تم غلق اتصال حزم البيانات من قبل الشبكة

يا نهار اسود مفيش رصيد

الحمد لله ان انا فودافون هشغل خدمة سلفنى شكرا

و استلفت التلاتة جنيه

و ندمت فعلا على الفلوس اللى دفعتها

لان الرد على المنتدى كان عبارة عن

الحاجة براكسا مديرة المنتدى قفلت الموضوع وقالتلى ممنوع الاعتراض على المنتدى راسل كول بوى او مراقب الشبكة على لوحة الدعم

و دخلت على لوحة الدعم

او ادخل على الشات

بعت رسالة للوحة الدعم و دخلت على البتاع ار سى ده و لا انا عارف اسمه ايه

ايوة يا باشا معاك ليجند من مدينة ( .... )

ايوة

انا كنت عايز استفسر عن قانون دفع الموارد و ايقاف حسابى

موضوع: الجزء الـ 14 3/21/2009, 8:40 pm

استرجاع سريع للاحداث

باختصار سريع

انا كنت و اقف فى الزنزانة بتعذب هناك على ايد المساجين بعد قضية دفع الموارد اللى ادتبست فيها

نبدأ اذن فى الجزء الصغير

بعد العذاب اللى اخدته على ايد المساجين او على رأيهم بعد الاصطباحة صحيت من النوم متكسر خمسميت حتة عشان اتفاجأ ان الشاويش عطية عايزنى يدينى اسطباحة هو كمان

بس يا شاويش انت مهمتك تحمينى منهم !!!

يعنى هم المساجين احسن منى !!!

بس يا شاويش ...

اخرس خالص

بعد ربع ساعة من الاصطباحة بتاعة الشاويش هو كمان و بعد خمستاشر الم و تلاتشار افه

لقيت ظابط كبير داخل

انت بتعمل ايه يا شاويش!!

ايه ابلوريبالابللايبلا ( الشاويش مش عارف يتكلم )

انت عارف ده مين

مسجون يا فندممممممم

يخربيتك الواد ده قريب باسو شخصيا

ده يبقى ابن عمة ام بنت عمة خالة ام بنت عمه

يا نهار ابيض

انت محول لمحاكمة عسكرية يا شاويش عطية

حاضر يا فندم

راح الظابط لافف معلش يا باشا و الله ما كنا نعرف سعادتك

لا حصل خير

حضرتك تحب تفطر ايه

الفول بتاع كل يوم

لا لا حضرتك تنسى الفول من النهردة معاملة خاصة

هتفطرونى ايه يعنى انا معرفش غير الفول

احنا نقينا لسعادتك كونتنال بريكفاست ( فطار متنوع )

كنتنتال براكفاست ازاى يعنى

كونتينيتال يا فندم مش كنتناتل

مش مهم انا عايز الفول و الطعمية بتوعى

اللى تشوفه سعادتك

استنى قبل ما تمشى فى حاجة

اتفضل يا باشا

ان همشى من هنا امتى!!

يا فندم الاخ باسو شخصية كتب على المنتدى ان اللى عقوبة الدفع للموارد هتقل لحد 21 يوم بس

اه طيب ماشى اتفضل

الراجل وهو ماشى : يا سلام على الوسايط و الكوسة منزل العقوبة مخصوص لكل المساجين عشان فى واحد منهم قريبه

بتقول حاجة ياض

لا يا فندم انا كنت بقول بس سيبليبسربيسرلايسبل

اه فكرت برده

و انا خارج

حتة افا من مأمور السجن زلزل كيانى كله

فى ايه يابن ال... بتضرب ليه

مش ذنبى هى دى قوانين السجن لازم تاخد واجبك قبل ما تمشى عشان تتعقد نفسيا

قمت راكب الحمار بتاعى و مسخن المكنة و رافع حصان و داخل على المدينة

و قدام السور

سعادة الباشا شرفت و نورت ( بواب المدينة )

افتح يا حنكورة

بصوته اللى شبه البلاعة ده حسيت ان اليوم مش هيعدى على خير

مش عارف ليه بيفكرنى بالشاويش عطية المهم

دخلت القصر و اخيرا نمت على الريش بعد الظلط و سرير بعد الارض بعد يوم طويل طويل طويل

و الصبح

نهار مشرق جميل طلعت البلكونة ببص على مدينتى العظيمة من الشباك

و اخخخخخخخخخخخخخ

ظلطة مرمية جنبى بعد ما فتحت دماغى

اه ياض يابن ال.... انا عارفك ايوة انت الواد اللى بيسكن فى المساكن البيضا اللى بتتبنى لما نطور دار البلدية و ربنا منا سايبك

وكان صباح جديد قضيته كله ادور على الواد بتاع الطوبة

موضوع: الجزءالـ 15 3/21/2009, 8:43 pm

ملخص اللى حصل

بتوع المباحث دخلوا عليا فى القصر وجرجرونى من قفايا على السجن , وفى الزنزانه اتعرفت على ناس محترمة جدا وايديهم طرشة جدا ’ المهم انا عملت نفسى واد فتك وخدت الموبايل معايا وكلمت لوحه الدعم علشان موبايلى (3 جى) , واقعدت فى السجن 21 يوم من اطول ايام حياتى اكلت فيهم شويه عُلق من اللى قلبك يحبهم , وطلعت من السجن معقد نفسيا وروحت على مدينتى

وبعد ما الواد حدف على الطوبه قعدت الف عليه المدينه كلها وروحت باعت الحارس حنكورة وشويه مخبرين يدوروا على الواد

المهم , وانا ماشى بدور على الواد فى المدينه , هب , وقعت فى بلاعه مجارى , واغمى عليا بس فقت بعد ساعتين من الريحه , ايه القرف ده , الناس دى بتاكل ايه , بى بى ؟ , والغريبه انى لقيت المجارى تحت تشرح القلب عامله زى المجارى اللى بنشوفها فى الأفلام الأجنبى دى

قمت وحاولت اطلع من المكان اللى وقعت منه معرفتش وقعدت انده لحد ما صوتى اتنبح , مفيش كلب عبرنى , روحت مشيت فى المواسير دى , وفجأه لقيت اتنين طلعوا عليه , واحد فتحلى مطواه والتانى بيفتشنى , انا قلتلهم فيه ايه ياد يابن ال... , طرررررررررراخ خدت قلم على وشى من اللى معه المطواه وقاللى اخرس خالص

انا قلتله اللى انتى عملته ده , انت عارف انا مين يابن ال... , طرررراخ , قفا من اللى بيفتشنى وقاللى هو مش قالك اخرس خالص , يبقى تتكتم ومسمعش حسك , قلت اسكت احسن يقتلونى , وسألتهم هو فيه ايه ياكابتن , قاللى يعنى انت مش عارف يا روح امك , قلتله ماتتكلمش عن مامى كده ياكابتن , اللى معاه المطواه قال للتانى ده شكله من العيال بيكى بيكى اللى بتروح وتيجى , تعالى ناخده على الكبير

قلتلهم كبير مين؟ , قالولى امشى انجر ياد قدامنا

(وخدونى على مكان واسع وفيه ناس غريبه , اللى بيحشش , واللى بيشد لامؤاخده كُله , واللى بيضرب حقن , ومشيت معاهم على خرابه صغيره , ودخلنا , لقيت واحد قاعد على كرسى كبير ومعاه جوزه وعمال يحشش وحواليه ناس شكلهم اجارك الله , عرفت ان ده المعلم الكبير)

المعلم , ولا يا مليجى , مين ده ياد؟ , مليجى قاله ده واحد لقيناه ياكبير عمال يشمشم فى المنطقه , شكله مخبر

قلتله ياكبير انا تروجان صاحب البلد اللى فوق , قاللى هو انت؟ مش انت ابو الواد مصيلحى؟ قلته اه مصيلحى ابنى , قاللى ماهو كان بيجى يشترى من هنا , قلتله ماشاء الله ماشاء الله حضرتك بقى مين؟ قاللى انا كبير العالم القاعده دى كلها وصاحب شركه (شمه) ليمتيد للتوزيع

قلتله طيب يا كبير انا عاوز اطلع فوق علشان انا لسه راجع من السجن , قعد يضحك وهاهاهاهاهاها , وكل اللى حواليه قعدوا يضحكوا

قلتله فى ايه ياباشا هو انا قلت نكته , قاللى لأ ظريف ياد , انت هتشرفنا كام يوم كده لحد ما نشوف هنعمل معاك ايه , ونده على واحد اسمه غريب كده وقال له خده قلعه اللى هو لابسه ده ولبسه بدله التشريفه وحطه فى الأوضه

(راح اخدنى وانا متكتف طبعا على الأوضه , ولبسنى بيجامه مافيهاش حته مش مرقعه ومعفنه اوى وريحتها اعفن من المجارى , المهم , بعد ما مشى , من كتر الحشيش اللى اخده نسى يقفل الباب , روحت انا طيران هربان على بره)

موضوع: الجزء الـ 16 3/27/2009, 5:56 pm

[COLOR=seagree]nبسم الله الرحمن الرحيم
********************

المستشار وانا الجزء 21

الكاتب \ تروجان

ملخص اللى حصل

(بعد ما وقعت فى بلاعه مجارى و اتثبت من مليجى , اتجرجرت على ( الكبير ) و لبسونى بدله التشريفه , وهربت على بره )

بعد ما الواد الحشاش نسى يقفل الباب عليا , انا قولت يافكيك وخلعت , وقعدت اجرى فى المواسير , وبلاد تشيلنى , وبلاد تحطنى , وفجأه , لقيت قدامى مدينه كامله , هتسألونى ازاى مدينه فى المواسير؟!! , طبعا مفيش مدينه فى ماسورة , بس ده كان كهف واسع , والمدينه صغيرة نسبيا , ومبنيه فى وسط الكهف

المهم , قولت اروح اشوف المدينه دى ايه حكايتها , نزلت من الماسورة اللى كنت بجرى فيها على
الكهف ناحية المدينه دى , ودخلت المدينه علطول علشان ماكنش ليها سور , بس الغريب انه ماكنش فى حد خالص والبيوت مقفوله ومفيش صريخ ابن يومين فى المنطقه

قعدت انادى على اى حد , ياناس , ياجدعان , حد يرد طيب؟ , مفيش فايده , وانا عمال انده على الناس لقيت واحد حاطط بندقيه فى ظهرى وبيقولى: اثبت ياد مكانك , قلتله: اوعى تعمل حاجه والنبى ياكابتن , قاللى : انت مين وايه اللى جابك هنا ؟ انت تبع المعلم ( زلامُكه) ؟ , قلتله : زلامكُه مين ؟ , انا تروجان , صاحب المدينه اللى فوق

قاللى : شكلك جاسوس , قدامى ياد , قلتله : هنروح فين؟ , على الكبير برضه؟ , قاللى : ههههههه , ده انت ظريف سكر بره , لأ يا كتكوت , هنروح على الظابط , امشى ياللا

(مشيت معاه لغايه القسم , ودخلت معاه على الظابط)

اول مادخلت قولت للظابط : ايه , انتوا مش عارفين انا مين , انا تروجان , صاحب المدينه اللى فوق , وانا هعرف اوريك شغلكوا يا... , راح الظابط سكعنى حتة قفا , كنت هتعمى فيه , وقاللى يا ابن ال... , فى حاكم مدينه بيلبس اللى انت لابسه ده ؟ وبتبقى ريحه اهله معفنه كده؟ , قلتله :لأ ده مش لبسى ده بدله التشريفه , والريحه دى مش ريحتى , دى ريحه البدله , قاللى : اه , انت منهم ؟ , وقال للعسكرى : خده يا حضرة الصول ارميه فى التخشيبه وبكره نحوله على النيابه

تانى يوم , قدام وكيل النيابه , قولتله ,: انا والله تروجان حاكم المدينه اللى فوق ؟ , قاللى : طيب فين الإثبات ياروح امك ؟ , قلتله : معيش اثبات , بس انا الحاكم , قاللى : خلاص انا مصدقك , وبص لأمين الشرطه وقال له : يتحول على مستشفى الأمراض العقليه

قلتله : والله العظيم انا مش مجنون ,انا تروجان , حرااااااام ياجدعان

(وروحت على مستشفى الأمراض العقليه , وهناك , مش هتقدر تغمض عينيك - لو لقيتهم!! - وربنا يستر فى الجزء الجاى COLOR])

]

موضوع: الـ16 3/29/2009, 6:34 pm

بسم الله الرحمن الرحيم
***************

المستشار واناالجزء ال22

الكاتب \ تروجان

ملخص اللى حصل

(بعد ما اتمرمط واتهزأت من العسكرى وسحبنى وعلى الظابط , والظابط قام بدوره , وفى النيابه نفس الحوار واتحولت على مستشفى الأمراض العقليه)

ركبت البوكس من قدام النيابه وروحنا على المستشفى , المستشفى مش بعيده اوى , الصراحه , المستشفى نضيفه , ومليانه نجيله وشجر فى كل حته , مع ان مفيش شمس!! , بس المكان كان منور

وطلعت على العنبر , متكتف طبعا , واترميت مع زملائى المجانين , العنبر كان دوشه , بس انا اول مادخلت كله سكت وبصوا ليا , راح كل واحد جرى فى حته , سألتهم : فى ايه يامجانين؟؟ , محدش رد , فجأه , واحد جرى واتشعلق فى السقف , وشويه مجانين اتلموا تحتيه وقعدوا , روحت سألت واحد فيهم : هو فيه ايه , هو الراجل ده متشعلق كده ليه؟ , قاللى : ياعم ده مجنون سيبك منه , ده فاكر نفسه نجفه , قلتله : لاحول ولاقوة الا بالله , وانتوا قاعدين تحتيه كده ليه؟ , قاللى : ما احنا قاعدين فى نوره , قلتله :ياراجل , مش تقول كده , اصل انا بدور على لمبه من الصبح ومش لاقى , وسيبته ومشيت

وبالليل قررت احط حد للمهزله دى , قررت اهرب , ربط شوية ملايات سرير فى بعض , ونزلتهم من الشباك وهربت برة المستشفى

ومشيت فى الشوراع مش عارف انا فين , ولقيت ماسورة من المواسير اللى حوالين الكهف بتاع المدينه , ومشيت فيها , وكل ما اعدى جنب فار من اللى موجودين فى المواسير , يقع يغمى عليه من ريحتى , المهم , اخيرا , لقيت بلاعه مفتوحه وطلعت منها على السطح

على حظى البلاعه دى كانت فى حته بعيده اوى عن مدينتى , ومشيت ومشيت ومشيت , لغاية مدينتى الحبيبه , اول ماشوفتها , مامسكتش نفسى , وجريت على سورها الجميل , وكنت مزنوق اوى , وفكيت زنقتى على السور وانا بغنى (السور السور السور السور , يا مدينتى يا صاحبة اجمل سور) , بعد ماخلصت , روحت على البوابه علشان اخش , الحارس اللى على البوابه قاللى : انت مين؟ , قلتله :انت ياروح امك مش عارفنى , انا الحاكم تروجان ياد , بص فى وشى كويس , قاللى : لامؤاخذه ياباشا , اتفضل , افتح البوابه منك له , بعد مادخلت , ندهت عليه , واديته حتة قفا , كان هيطلعه من هدومه وقلتله: وحياة امك هوريك , وروحت على القصر

وانا داخل على القصر , اى واحد بيشوفنى بيجرى , حتى البت الفليبينيه اللى شغاله فى القصر , اول ماشافتنى , صرخت وقالت : يالخخخخخخوتى , ايه الخرف ده , واغمى عليها عطول . دورت على (حنكورة) علشان ادبحه , لقيته رابط عيل فى الشجرة اللى موجوده فى جنينة القصر ونازل ضرب فيه , ندهت قلتله : ولا ياحنكورة , بتعمل ايه ياد يا ابن ال... , تعالى هنا , اول ماشافنى قاللى : معلمى و وجرى عليا , اول ما ماقرب منى راح مرجع وقاللى ايه ده يا معلمى , ريحتك معفنة اوى

روحت مناوله شلوطين و تشكيله قفيان على اقلام على بوكسات على عض , وقلتله: يا ابن ال... ياغبى , يعنى انا اختفيت , مدورتش عليا ليه؟؟ , قاللى والله فكرتك بتصيف , قلتله: فى حد بيصف فى الشتا ياجاموسه انت ,ومين الواد ده؟ , قاللى : ده الواد اللى حدف الطوبة عليك , مسكناه اهه وبنعذبة , كلمت الواد قلتله : انت ياد ايه اللى خلاك تحدف الطوبه ؟ رد يا ابن المتضايقة , قاللى: والله يابيه مش انا ده اخويا والله , قلت لحنكورة : اربطوة لحد ما اخوه يجى ياخده وامسكوا اخوه وحطه على الخازوق . الواد صرخ :هيييييييه يحيا العدل , يحيا العدل

موضوع: رد: سلسله قصص المستشار وانا 3/29/2009, 6:41 pm

[SIZE=20]السلام عليكم

معاكم الجزء الجديد عشان خاطر عيون تروجان

ملخص سريع

ريحتى المقرفة بعد ما هربت زى ما بيطلع فى الافلام بالملايات و كنت مستمتع قوى بالواد و هو بيتعذب

نرجع بقى لحنكورة

بقلك ايه يا حنكورة

ايوة يا معلم تروجان

ابقى ... استنى كده

تروجان مين ياض انا لجند

ايلسيبال معلش يا معلمى بس اصل الجزء اللى فات و .. انت عارف اللخبطة و ليسبليبسل كده يعنى

نعم يا روح امك

بقلك ايه ياض

انت طلعت فى الجزء ال 21 و كنت انا اللى كاتبه

يعنى انا اللى مطلعك فى ام القصة دى يبقى انا معلمك فاهم

حاضر يا معلم تروجـ ... اقصد ليجند

انا عارف انك غبى

المهم

فاكر يوم ما انا اتنكرت سباك عشان ادخل

ايوة يا معلمى

السباك الحقيقى و صل و لا لسه

وصل يا باشا

خليه يخلصنى و يصلح المواسير لانى عايز استحمى

ليه يا معلمى ما انت كويس

انت اللى معفن اذا كان واحد زيك لما شم رجع يبقى البنى ادمين يعملوا ايه

ايوة بس هو بصراحة بقى السباك لما جه و قع فى البلاعة اياها و زمانه بيتعذب فى مستشفى المجانين فى الكهف اللى تحت ده

طيب عموما استنوا الاربع ساعات بتوع كل مرة و ابقى قلى

حاضر يا باشا

ودخلت نمت بريحتى بقى و خلاص

اليوم اللى بعده

هاوممممممممممم

ولا يا حنكورة تعالى هنا ياض

حنكورةةةةةةةةةةةةةةةةةة

انت ياض يا حنكووووورةةةةةةةةةةةةةة

خخخخخخخ هاوم ايوة يا سعادة البا خخخخخخخخخخخخخ

شكلك لسه نايم

لا انا صايح قو خخخخخخخخخخخخ

استعنى على الشقى بالله

فى ايه يا معلمى

لا هتشوف الاسطباحة بس اصل نفسى اجربها من ايام القفا بتاع شاويش السجن

و بعد تشكيلة قفيات على خمستاشر الم كنت حاسس براحة نفسية عجيبة بعد ما طلعت عقدى النفسية عليه و بدأت احس انى مش هفأ زى ما بيحصل من ساعة ما ام القصة دى بدأت

فقت كده ياخويا

فقت يا معلم

اندهلى بقى مستشار المدن اما نشوف جدول اعمالى النهردة

مسافة السكة

يبقى مش هتيجى

بس ينفع يعنى تدينى فلوس مواصلات

مواصلات ايه يا روح ماما شوف انت لو عايز تختصر العلماء عندنا اكتشفوا بريد انبوب ممكن تتحشر مكان الابحاث و دى بترخص الفلوس 1 دهبة

لا خلاص

معاك فكة خمسة طيب

خد تلاتة جنيه و هات الخمسة و الباقى ادفعه للتاكسى و هات لنفسك عسلية من عم حسن البقال

مفيش بقال فى النسخة دى

خلاص عدى خدلك قرطاس عنب

العنب مش فى قراطيس

ولا انت هتدقق معايا طب اطلع بره يا روح امك بدل ما اتنرفز عليك

و خرج و هو حاسس انه اتنصب عليه فى الخمسة جنيه مش عارف ليه انا مع انى مشيتها معاه بالحق

نزلت سلم القصر

و انا تحت

عم حسنى يا عم حسنى يخربيت ام السكان اللى مش بيسمعوا دول

ايوة يا باشا

شوف بقى انت تعملى النهردة عشوة حلوة يا اما هرجعك تحارب مع الطباخين عشان بالمرة تزود قوة التحمل

عايز ايه حضرتك

عايز كونتينيتال بريكفاست

كانتينال ايه ده انا معرفش غير عنب بمشروب العنب محشى بام العنب

هات اى حاجة تتاكل و خلاص ريحنى

بعد شوية

هيييه هيييييييه مسكنا جاسوس مسكنا جاسوس

قمت طالع من الشباك كابب جردل مية على ام الكتائب دى

فى ايه ياض منك له انتوا فى ايه الجاسوس ده اتمسك فى اول القصة

لا يا باشا ده و احد تانى

واحد تانى و لا خامس انا مش قلتلكوا محدش يضايقنى

مش ذنبى بقى تقدر تكلم المؤلف هو اللى ممشينا

لا انا هكلم تروجان عشان احتمال هو اللى يكتب الجزء الجاى ليجند بيطلعنى هفأ و دماغى بتوجعنى فى الاجزاء بتاعته

انت حر المهم شوف ام الجاسوس ده

طلعوه

فى المكتب فوق

ولا اعترف ياض مين اللى بعتك

و الله العظيم انا ....

حنكورة هات الخازوق 45

حنكورة مش موجود حضرتك

امال انت مين

انا اخوه حنطورة

طيب روح هات خازوق 45 اللى بنعذب بيه الجواسيس

معلش يا باشا الخازوق طلع كتير فى القصة دى و احتمال كده الحديد يصدى

انت هتشتغلنى يا روح امك اصلا اللعبة مفيهاش حديد الخازوق رخام

يبقى الرخام هيصدى يا باشا

فى ايه ياض هو بقيت هفأ قوى كده و مش مالى عين حد ليه

بقلك ايه انا مش ناقص غباوتك كفاية اخوك

روح ياض هات اى خازوق

ببص للجنب كده لقيت الواد ابن .... بيحاول يفتح الشباك يهرب

عايز تهرب يا روح امك

لا والله يا بيه ده انا كنت عايز ارجع بس

بقلك ايه من كام من كام جزء كده جلنا جاسوس مقرف بيتفرج على افلام كتير و حب يرجع و يا عينى الخازوق 45 ادى الواجب

و للاسف يا عينى مستشار المدن قعد يعيط و يقولى لقد امسكنا جاسوسا من المحزن انه تمكن من الهرب قبل ان نأسره وشوية كلام كده مفهمتش منه حاجة

خا.. خا .. خازوق ايه انا هعترف بكل حاجة

س : اسمك ايه

ج : نخلة

هنكدب من اولها منت قصير اهوه

و الله اسمى نخلة

طيب

ص : مين اللى بعتك

ج : انا جاى عشان ... لحظة مش اسمها سين ( س ) ؟؟؟؟؟؟

جاوب و انت ساكت

حاضر

تانى

ص : مين اللى بعتك

ي : انا جاى عشان ....

استنى استنى ياء ايه يا روح ماما اسمها جيم

اشمعنى انت يعنى

و كمان بجح رد ياض جاى من عند مين بلا سين بلا جيم

انا جاى عشان اخويا اللى متعلق تحت بيتعذب تحت ده

اه هو انت بقى اللى لقيتنى بالطوبة

لا وربنا مين قلك كده

اخوك اعترف عليك

لا و الله جه هو اللى لقك و انا كنت جاى اتفرج عليه و هو بيتعذب بس

واضح ان عندك مشاعر اخوة صادقة

يعنى ايه اخوة

يعنى هو يعنى ايه صادقة اصلا .... انا سمعتها كده فى الراديو بتاع مستشار الابحاث امبارح

طيب عقبال ما يخترع التلفزيون امشى انا بقى ؟

تمشى فين ياض

انت و اخوك هتتعدمو النهردة على خازوق و احد يا رب بس نلاقى خازوق كبير يقضيكم انتوا الاتنين

و النبى يا باشا ده انا عندى عيال يهون عليك يتشردوا

عيال ايه ياض اذا كان انت نفسك عيل

مليش دعوة بقى هو المؤلف حفظنى الجملتين دول اتصرف معاه

بعد التفكير ممكن يكون عندك عيال برده بما ان المؤلف محفظك كده

حنكورةةةةةةةة

حنكورة مش موجود يا باشا

يوووه

خلاص حنطووووورة

حنطورة برده مش موجود يا باشا راح يجيب خازوق

اوف

بص يابنى انت صعبت على و كمان انا مش فاضى اقعد اخزقك على الخازوق انت و اخوك خلاص خده و اطلعوا اجروا قبل ما اغير رأييى

حاضر يا باشا

و نزل على السلالم

ببص عليه من الشباك

لقيته فك اخوه من الشجرة

وترااااااك

و الاتنين طلعوا يجروا و نفس الطوبة جنبى و لاد ال ...

و بعدين مش المفروض انها تعمل طراااااااخ ايه تراك دى ؟؟؟؟؟

الحارس : معلش حضرتك قلنا مية مرة ..

ام المؤلف عايز كده فهمت خلاص

المهم السباك وصل فى الاربع ساعات و لا تحت فى الكهف؟

لا وصل سعادتك

صلح المواسير؟؟؟

ايوة سعادتك

طيب سيبنى بقى ادخل استحمى لانى مستنى المية السخنة من امبارح

اتفضل

و حضرت هدومى

و اه اه اه

المية تلج نسيت ان المستشار لسه مخترعش السخان

و بعد عذاب طويل طويل

خرجت عشان الاقى مستشار المدن وحنكورة قدامى

اعمالنا ايه النهردة يا ... مش اسمك كان فهمى تقريبا

مدنى يا باشا

ماشى يا فهومة

مدونة يا باشا انا مدنى مش فهمى

بكره تروح على الجل المدنى توقف شعرك ايه اقصد تغير اسمك

قصد حضرتك السجل المدنى

اه تقريبا

المهم حدول اعمالى ايه النرهدة

راح مطلع ورقة معفنة شكلها واقعة من بق كلب

هى المناديل انقرضت و لا ايه؟

اشمعنى يعنى

امال نافف فى ام الورقة دى ليه؟

مدتقش بقى

طيب جدول اعمالى ايه

اول حاجة ....

فى ايه سكت ليه

مش هينفع نكمل

قصدك عشان حنكورة يعنى لا عادى

لا قصدى عشان و قت الحلقة انتهى

حلقة ايه يا بابا احنا فى جزء قصة

جزء قصة؟؟؟ و كل ده وانا فاكر اننا فى عالم سمسم

المهم خلصنى

لا احنا نقف هنا بقى لان عموة لجند عايز يقوم لان ضهره اتكسر

اوف يخربيت ام ده مؤلف سواء تروحان و لا لجند

على فكرة حضرتك انا كنت شفت فى منتدى الشعر و الادب قصة اسمها المستشار وانا مستقل و احد اسمه محمد هو اللى كاتبه ممكن نخترف هناك

لا يا عم اللى نعرفه احسن من اللى منعرفوش

اوف طيب خلينا نستنا بقى و نقعد نستحمل الناس اللى مستنيا الجزء الجديد لحد ما سى تروجان او لجند باشا ييجى

اشمعنى يعنى لجند باشا؟؟؟؟

معلش بقى اصل هو اللى خلى المستشار القديم خائن ولولاه كان زمانى لسه فى الشارع فى الجزء بتاعه ده

اه طيب ماشى

يلا بقى زى بعضه استنوا الجزء القادم Wink

[SIZE]

موضوع: الجزء الـ 24 4/4/2009, 12:54 am

الجزء الجديد تقريبا 24 من القصه اهو .......يارب يعجبكو زي الاجزاء بتاعت تروجان وليجند ...وعلي فكره الجزء كبير شويه

ملخص سريع للاحداث اللي فاتت
بعد ماخدت دش ساقع تلج وجالي مستشار المدن مدني ..يووه ..اقصد فهمي ..وطلعلي ورقه معفنه كده مكتوب فيها جدول اعمالي انهارده
انا : ايه ياعم فهمي ...هعمل ايه انهارده ...ولا اروح انام واخلص
اعد يبص علي الورقه كده ومكنش عارف يقرا خطه وقالي: معلش انا اصلي خطي وحش شويه
انا : يادي النيله علي مستشارين اخر زمن ......غور ياعم من وشي...انا مش عايز اشوف خلقتك دلوقتي ...انا هشتغل لوحدي .
ونزل مدني من القصر وانا روحت وقفت شويه في البلكونه اتفرج علي المدينه واشوف الناس عامله ايه
وفجأه ....وانا ببص كده لقيت المباني كلها مقلوبه .....يانهار ازرق ....راح فين مجري العيون اللي كان علي الشمال ....ياولاد ال...
اهو اهو ...الحمد لله ..لقيته ..ده بقي يمين ...ياولاد اللذينه ...عملتوها ازاي دي
دخلت الاوضه وفضلت انده علي عم حسني الطباخ لحد ماطلعلي فوق
انا : هو ايه اللي قلب البلد كده ياعم حسني ..انا كنت سايبها معدوله من كم يوم
حسني : هو انت معرفتش ياريس ولا ايه ...دول شغلو النظام الشمسي ومن ساعتها والدنيا مقلوبه ولسه متعدلتش
انا تنحت بصراحه وفضلت فاتح بقي وانا مش فاهم حاجه
حسني : مالك ياريس ..انت فاتح بقك كده ليه ؟.......اقفله احسن ماحاجه تدخل جواه
قفلت بقي بسرعه وقلت: احمممم احممممم ...لا ده انا كنت بتاوب بس ..احمممم
ضحك حسني وقال : ماشي ياريس ...هعمل نفسي عبيط ومش واخد بالي وهصدقك .... بص ياعم ..انا هفهمك ...انت بردو ريسنا ولازم تكون فاهم ...النظام الشمسي ده اسكريبت جديد في اللعبه خدوه من النسخه الانجليزي ....عشان كده الدنيا مقلوبه .. وده بقي بيعمل ليل ونهار ومغرب كمان ...بدل زمان كان كله نهار في نهار
انا : ياحلاوه ياولاد ...بقي عندنا ليل ونهار
حسني : ده فيه كمان حاجات تانيه كتير ....انا سمعت ان فيه واحد بيعرف مين البخلا اللي علي الجزيره..بس احنا مشغلناش البتاع ده
انا : طبعا اوعو تشغلوه ...يانهار اسود ...ده هيبقي فضيحه لينا
حسني : عايز مني حاجه تانيه ياريس .. انا هروح بقي احضرلك اكله انت بتموت فيها
انا : ايه ايه ؟
حسني : محشي ورق عنب
انا : يابن الايه ....جبته مينين ده ...مفيش الا عنب بس في اللعبه كلها
حسني : ياباشا انت معاك احسن طباخ في الفا كلها ...انا جبت الورق اللي اخترعناه من زمان وبليته بمشروب العنب اللي عندي ..وبكده يبقي عندي ورق عنب
انا : يابن اللعيبه ياحسني ...بس هنحشيه ايه؟؟....مفيش رز في اللعبه
حسني : عيب عليك ...انا هحشيه زبيب
انا : زبيب ..انا عمري ماكلت محشي زبيب ...
حسني : وانا هعمل ايه يعني ...مفيش رز في اللعبه ..جبت العنب وعملتهولك زبيب عشان احشي بيه ورق العنب ...هو انا هموتلكو نفسي يعني ولا ايه ...كلملنا باسو ياعم يشوف موضوع العنب ده ...
انا : يادي النيله ...ياعم انت فاكر باسو ده ابن عمتي ...اجيبلكو باسو منين يعني ..روح ياعم روح ..اعمل اي حاجه ..وسيبني انا هروح علي دار البلديه اشوف الاخبار ايه
ونزل عم حسني وهو عمال يبرطم بكلام غريب ويشوح بأيده كده في الهوا ....ونزلت انا من القصر وروحت علي دار البلديه ....واحلي حاجه بقي ان البلاعه بتاعت كل مره مبقتش موجوده ...اصلها اتنقلت شمال ...هههههههه ...والله موضوع النظام الشمسي ده جاب نتيجه ..واخيرا وصلت دار البلديه ....و........
يانهار مش فايت ...فين الكتايب اللي بتقف علي الباب علطول ...فضلت ادور علي الكتايب وابص شمالي ويمين......ولقيتهم ...واقفين علي شمال دار البلديه مش عند الباب زي كل مره
روحت مزعق فيهم: انت ياكتيبه انت وهو ...مش واقفين عند الباب ليه ؟؟
بصولي كده باستغراب كانهم مش فاهمين حاجه وقال واحد منهم : والله يابيه احنا متحركناش من مكاننا ...احنا كده من ساعه مانزلو النسخه الجديده...
انا : انتو مكانكم عند الباب ..... مش عند الحيطه ياغجر
قال : والله ياريس الباب هو اللي اتحرك ...واحنا مالنا بقي ....البلديه هي اللي لفت كده ...واحنا المبرمج اللي عملنا مقلناش نلف ..ده مثبتنا في المكان ده
انا : يانهار ازرق عليكم .... ايه ده ....عساكر امن مركزي ....يعني دلوقتي دار البلديه مفتوح سبيل واي حد عايز يدخل بيدخل ...مدام مفيش حد واقف علي الباب
قال : طب ياريس معلش .احنا غلابه مينفعش نتحرك من مكاننا ...متكلملنا باسو يحركنا شويه ...لحسن رجلينا وجعتنا من الوقفه الطويله دي
انا شديت في شعري وقلت : يوووووووووه ...هو باسو هيعمل ايه ولا ايه ..الله يحرقكو بجاز وسخ ...انا طالع فوق ....هو رئيس البلديه فوق ولا لا ؟؟
الكتيبه : مخابرش يابيه
انا : اه صحيح ..وانت هتعرف ازاي وانت متنيل وواقف علي الجنب كده ....اغبيا اغبيا
وسيبتهم وطلعت السلم ودخلت دار البلديه وجوه المبني لقيت عيال صغيره بتلعب كوره وعيال تانيه بتحدف بعض بالطوب ...و...اي اي اي ...ياولاد ال.... الطوبه جت فيا ياحوش ...العيال كلها هربت لما زعقت فيهم ...روحت قافل الباب بسرعه قبل ماحد تاني يدخل ..ودخلت انا بقي
وفضلت ادور علي رئيس البلديه وملقيتوش ..وبعدين سمعت حركه كده جوه دولاب من الدواليب الكتير اللي جوه ...افتكرت فار موجود في الدولاب ...لقيت عصايه كده مسكتها وقربت من الدولاب وبسرعه فتحته وطراااااخ علي اللي جوه
و.اي اي اي اي ...حرام كفايه والنبي حرام عليكم
يانهار ازرق ..ده رئيس البلديه .......
انا : ايه اللي جابك هنا يامنيل ..انت مش ليك مكتب تقعد عليه
فضل يتلفت حواليه كده ويقولي في سره :
هم العيال مشيو ؟؟
انا : يانهار ازرق ومنيل ..هو انت مستخبي من شويه عيال ...اهو ده اللي كان ناقص كمان ..رئيس بلديه العاصمه مستخبي من شويه عيال
هو : دول مش عيال دول شياطين ...ربنا ينتقم منهم ..دول حدفو عليا يجي جبلين طوب
انا حطيت ايدي علي لامؤاخذه علي المكان اللي الطوبه جت فيه وقلتله : خلاص خلاص مش مشكله ..انا مشيتهم وقفلت الباب ...المهم قولي اخبار البلد ايه
لقيته بسرعه كده وقف وقفه عسكريه كده وقال: لا توجد اشكالات معينة ! تهانينا،في مدينتك كل شيء يسير بشكل ممتاز!
انا : نعم ياروح طنط ...لالالالالا ....انا مبحبش الطريقه دي ....بقولك ايه ...لخص وقولي معدل النمو قد ايه
هو : سالب تلاته سعادتك
انا : يخرببيت اهلك ........سالب تلاته ...يعني الناس بتمشي يابقره ...وانت بتقولي تهانينا وكله ممتاز ....اهو الكدب ده اللي جايبنا ورا ....ليه يافقري الناس بتمشي
هو : عشان العنب ياريس ....مفيش عنب كفايه عندنا ..
انا : ازاي يعني ...امال مدينه العنب التانيه بتاعتي بتودي العنب فين
هو : العنب موجود فيها ياريس ...بس مفيش سفن تنقله
انا : مفيش سفن ليه ..دي حتي السفن بقت ارخص من ساعه النسخه الجديده
هو : عشان مفيش دهب ياريس ...اللي بيتقال في البلد ..ان الفلوس دفعتها عشان تطلع ابنك الحشاش من السجن ...وبعد كده من ساعه مارحت عشان تحارب واتأسرت هناك عشان جيشنا التعبان ده ...مستشار الجيش راح مطلع جيش كبير وتأمينه كبير ..عشان كده مفيش دهب خالص ومفيش سفن
انا : يانهار اسود عليا ...وعلي الاغبيا اللي مشغلهم معايا
اعمل ايه بس مع الناس دي ...مفيش دهب ..ومفيش سفن ..ومفيش عنب ...وحسني عامل ورق عنب ...الله يخرببيتك ياحسني
راح باصصلي كده باستغراب وقالي : انت بتشتم حسني مين ..اوعي يكون ...
انا : هس ..الله يخرببيت اهلك ..هو انا اقدر ...انا بشتم حسني الطباخ اللي عندي يابقره .
هو : اه ..انا كنت بحسب يعني
انا : بقولك ايه يازفت انت ...روح شوف شغلك يلا بدل مافتح الباب واجيبلك العيال يظبطوك .....يابتاع العيال
هو : لالالالا ...والنبي الله يخليك بلاش العيال دي ...انا هقوم اشتغل اهو
وسبته ونزلت من دار البلديه وروحت علي القصر بسرعه وطلبت مدير المرفأ يجيلي ...وبعد اربع ساعات وصل ...
انا : طبعا انت وقعت في البلاعه عشان كده اتأخرت
هو : لا ياباشا ...انا تهت بس عشان شكل المدينه اتغير شويه
انا : طيب مش ده الموضوع اللي عايزك فيه اصلا
هو : امال عايز ايه مني بقي
انا : ايه يازفت انت الطريقه اللي بتتكلم بيها دي ...هو انا جوز امك ولا ايه ...ده انا رئيس الجمهوريه يابقره
هو : معلش ياريس ...انا بس تعبان شويه و...
انا : خلاص خلاص ...انت هتحكيلي قصه ...بقولك ايه انا عايز ابعت عنب من مدينه العنب للعاصمه ....وابعت كمان لكل المدن التانيه

موضوع: باقى الجزء الـ 24 4/4/2009, 12:56 am

هو : وحياه طنط ....انت فاكر عندك اسطول سفن ولا ايه ...دول يادوبك مركبتين وفلوكه صغيره كده
انا : فلوكه ايه يابن ال ..... انت هتشتغلني يله ....احنا عندنا 8 سفن ...ده انا شايفهم بعيني دول قبل كده
هو : ايوه صح ..بس مفيش منهم دلوقتي ولا واحده ...كلهم بينقلو لمدن تانيه
انا قلت باستغراب : بتنقلو ايه
هو : بننقل عنب
انا : ياااااااااااااااااااااالهوووووووي .....غطوني وصوتوا .............بتنقلوا عنب للبلاد التانيه وبلادنا احنا عايزه عنب ياغجر
هو : وانا هعمل ايه يعني ...مستشار الجيش كان عايز كبريت ...روحنا مبدلين مع بلد تانيه كبريت بعنب ...وخد بالك بقي احنا مبعتناش العنب الا لما وصلنا الكبريت بتاعه
انا : يافرحه امك بيك ياحبيبي
هو : يووووه ...هو انتو مش بيعجبكو حاجه ابدا كده ...ايه الارف ده
انا : ارف لما ياخدك يابن ال....... غور ياد من خلقتي انا هتصرف ...جتكو البلا كلكو بهايم
ومشي بسرعه مدير المرفأ وانا فضلت افكر ...اعمل ايه اعمل ايه ..اجيب دهب منين
ولقيتتها ...ابيع البلور اللي عندي ...احطه في المتجر والدهب اللي هيجي منه اشتري بيه سفن و.... فجأه لقيت مستشار الابحاث داخل المكتب عندي في القصر
هو : صباح الفل ياريس ..معلش انا جيت بقي من غير ميعاد
انا : خلاص مش مشكله ..حصل خير عايز ايه بقي
هو : انا جاي اطلب من سعادتك اننا نشتري البحث اللي شغالين فيه دلوقتي عشان نخلص منه بقي
انا : نشتري بحث ايه بس ...ده انا كنت عايز ابيع البلور الزياده اللي عندنا ...هو انت عايز بلور اد ايه
هو : انا محتاج 120 الف بلور بس يازعيم
انا روحت مسكته من دقنه البيضا دي وقلتله : زعيم ايه ياواطي ...هو انا زعيم عصابه بابقره انت ....غور من قدامي بدل مااكسر ام العدسه علي عينيك واخليك تروح مغربي تعمل نضاره بشانبر بدل العدسه الواحده اللي قارفني بيها من اول اللعبه دي
هو معرفش يفلفص مني عشان ماسكه من دقنه اللي بتوجعه وقال: ياريس عيب عليك ده انا راجل كبير اد والد....
انا : انت تخرس خالص ومتفتحش بقك تاني ...اقولك كمان ...انت موقوف عن العمل ..انت وكل العلما اللي معاك ...انا محتاج دهب ياناس ..وانتو الواحد منكو بياخد 6 دهب في الساعه ...خلاص فينيتو ..مش عايزين تعليم دلوقتي
هو : ياباشا يعني خلاص جواب نهائي ؟
انا : ايوه ياسيدي نهائي
هو : طب ماتاخد رأي الجمهور او تتصل بصديق
انا : انت عاملي فيها قرداحي ...غور ياد من قدامي بدل ماحطك علي الخازوق
وجري المستشار عشان يوقف العلماء
انا حسيت براحه نفسيه لما لقيت نفسي بدأت اظبط البلد الخربانه دي
وروحت بسرعه علي المتجر عشان اقولهم يحطو البلور ويبيعوه
وفي المتجر بقي لقيت التاجر واقف يقول : يلا يامدام ...يلا ياانسه ...قربي قربي ..شقلبي شقلبي ...اسعارنا جميله ...وبلورتنا متينه ...تشتري يابيه ...تشتري ياحضره
انا مكنتش مصدق عينيا ولا وداني ....ايه ده ...هو انا في العتبه ولا ايه ....وروحت مصرخ وقايل : بـــــــــــــــــــــــــــــــــــــــــــس...........اخرس خالص ......... ايه الارف ده
هو : مين انت ياعم عشان تزعق كده
انا : انا رئيس الجمهوريه يابن ال..........
هو : ورحمه امي ماكنت اعرفك ياريس .....ماهو مفيش تليفزيون في البلد ...اعمل ايه طيب
والله العظيم انا بحبك مع ان مفيش عنب في البلد والناس بتمشي و ........
انا : خلاص خلاص يابن الرغايه ...خلاص ...المهم ..عايزين نبيع بلور ...انت حاطه بسعر كام
هو : بسعر 99 في القطعه ياباشا
انا : يااااااااااااااالهوي....... مين قالك كده يبني ...
مسكته من ودانه وشدتهاله وقلتله : طب انا هسألك سؤال ..بذمه اهلك ..شفت حد قبل كده اشتري بلور بالتمن ده ؟
هو : اي اي اي اي ...وداني وداني ...لا ياباشا مفيش
انا روحت مديله خمستاشر قلم علي اتناشر قفا عشان انا بصراحه قابلت غباوه كتير انهارده وقلت اطلع همي كله في حد ...وحظه المنيل بقي انه هو اللي جه في طريقي
انا : ولما هو مفيش حد بيشتري بالتمن ده يابقره يابن الداموسه ...مغيرتوش ليه ...هو انا كل حاجه لازم اعملها بنفسي في ام البلد دي ولا ايه
هو : خلاص ياباشا والنبي ....اخر مره خلاص ...معلش معلش ...مش هبيع غالي تاني
سيبت ودانه لما لقيتها احمرت في ايدي من كتر الشد وقلتله: طيب بسرعه اعملي بحث وشوف الناس اللي حوالينا بيحطو البلور بسعر كام
هو : حاضر يامعلمي
انا مسكته من شعره وقلتله : معلمك مين ياد هو احنا في قهوه ولا ايه يازفت انت ....ده احنا في لعبه محترمه
هو : اي اي اي ...والنبي شعري بقي كفايه ...ياريس انا اصلا كنت صبي حلاق قبل كده ومن ساعه ماجيت ام اللعبه دي وانا مش لاقيلي شغله اشتغلها ...عشان مفيش صالونات حلاقه في اللعبه ...والناس بصراحه بقي شعرهم كلهم طويل ...والقمل بقي بيسرح فيه
انا : وانا مال اهلي بقصتك دي يعني ......... وسبت شعره بقي عشان يخلص شغله
انا : يلا اخلص بسرعه ...هاااه عملت البحث ولا لسه
هو : ايوه ثواني بس بفتحلك جوجل اهو
انا : نعم ياروح طنط ..جوجل مين ياه ...هو احنا لسه اخترعنا النت اصلا
هو : لا ياريس ..انا اصلا معايا موبينيل لايف عشان كده بدخل علي النت منه
انا : يابن اللذينه ...وانا كنت فاكر اني الوحيد اللي معايا موبايل في ام اللعبه دي
هو : لا انا كنت جايبه من لعبه تانيه ..ايام ماكنت شغال حلاق
انا : طب خلاص يابن الرغايه ...خلصني ...هااه ...لقيت ولا لسه
هو : اه ياباشا خلاص ...بص ...في ناس حاطين البلور بسعر 20 و25 و30
انا : حلو اوي ....بص انت املا المتجر بتاعنا بلور بسعر 15 في القطعه ...يلا بسرعه ...وعايزك بقي تعمل الشويتين بتوعك دول ...شقلبي وقلبي والحركات دي
هو : من عينيا ياريس ...بس ممكن اطلب طلب
انا : عايز ايه ياد
هو : ممكن بس تكلملنا باسو عشان يزود مبني الحلاق في المدينه ...عشان ارجع شغلتي الاولانيه .
انا : الله يخرببيوتكو ...هو انتو فاكرين باسو ده صاحبي ...وبعدين هو باسو فاضي يعني للكلام ده ...ده احنا اصلا مش لاقيين مكان للمباني الجديده يازفت انت..... روح شوف شغلك وبيع يلا ...بلاش كلام فاضي ....وعشان انت غبي انا عارفك ...بص ...لو حد جه واشتري البلور مننا ...هتعمل ايه
هو : هملا المتجر بلور تااني عشان نبيع
انا : ماشاء الله .....ايه النباهه اللي جت عليك مره واحده دي ....طب هتحطه بكام ياحبيبي
هو : 99 طبعا
انا : ادعي عليك بإيه وانت فيك كل العبر ...بنفس السعر يابقره ...هنبيع بنفس السعر ...احنا عايزين نكسب زباين ...هنبيع ب 15 يعني ...فاهمني
هو : ايوه طبعا ..انا فاهم من الاول ..بس كنت بختبرك
اديته حته شلوت علي اللامؤاخذه وقلتله : هتمتحني انا يابقره ...غور من قدامي واشتغل يلا
جري من قدامي بسرعه وهو بيهرش في ال .... من قوه الشلوت
وانا خرجت وروحت علي القصر عشان كنت جوعت بقي وعايز اتغدي
وفي القصر لقيت عم حسني محضر الغدا علي السفره ...
حسني : اتفضل ياباشا كل وقولي الطعم عامل ايه
انا : هيكون طعمه ايه يعني ياناصح ...هو في غير ام العنب ...طعمه عنب طبعا
حسني : طب كل بالعنب والشفا ..اقصد بالهنا والشفا
اعدت اكل المحشي اللي محشي زبيب لحد لما شبعت ...وفجأه لقيت مدير المرفأ داخل عليا وبيقول : مبروك ياريس ...مبروك ياريس
انا : ايه ..ابني نجح في الثانويه
حسني مال عليا وقال في ودني : ابنك ده حشاش ...سيبك منه ومتفكرش فيه
المدير : لا ياريس ...في ناس جايين يشترو بلور مننا
انا اتنفضت من مكاني وقمت بسرعه وقعدت مدير المرفأ مكاني وفضلت ااكله المحشي في بقه

موضوع: اخر حته من الجزء الـ 24 4/4/2009, 1:00 am

انا : كل بالهنا والشفا ...ده اول خبر حلو اسمعه من صباحيه ربنا ...طب صحيح ...هي السفن هتوصل امتي
هو كان بياكل المحشي اللي في بقه وبيقول : كمان يومين
انا : يانهار اسود عليك وعلي اهلك ...يومين ...قوم ياد وطلع ام المحشي اللي كلته ده
هو : ياباشا اصبر بس ...انا عندي خبر كمان حلو ...
انا : انت اخبارك كلها شبهك منيله ...قوم يلا غور من وشي
هو : اسمع بس ...السفن بتاعتنا اللي كانت بتودي العنب عند الناس اللي اخدنا منهم الكبريت رجعت خلاص ...يعني كده عندنا 8 سفن فاضيين
انا : امال المنيل علي عينه مستشار المدن مجاش يقولي ليه
هو : ياباشا فهمي من صباحيه ربنا بيغير اسمه في السجل المدني ...منتا عارف ام الروتين بتاع البلد
انا : اه طيب ...ماشي ...المهم روح انت بسرعه وانقلي عنب من مدينه العنب لكل المدن بتاعتنا التانيه ...يلا بسرعه ...عاييز انهارده بليل الاقي عنب كتير هنا ...ماشي
هو : ماشي يازعيم .....وقال في سره كده : مانت عندك عنب اهو عمال بتاكله محشي وسايب الناس جعانه
انا : انت بتقول حاجه ياد ؟
هو : لالالالا ابدا يازعيم ...انا هروح اشوف الشغل اهو
انا : طب يلا بسرعه
ونزل من عندي مدير المرفأ وراح علي شغله وانا بقي دخلت انااااااااااااام ....بعد اليوم الطويل ده اللي كان كله لف في المدينه ....وبعد شويه كده صحيت من النوم وكنا بليل
ونزلت بقي عشان اشوف الناس عامله ايه بعد مالعنب وصل للبلد
البلد بليل شكلها غريب اوي ...المباني كلها مضلمه ..ماعدا المباني الجديده ...ودار البلديه عندها لمبتين كده عند الباب منورين علطول...وكمان الفناره بتاعه المرفأ عماله تنور وتطفي...... وانا ماشي لقيت ناس داخله البلد عند البوابات ....راجل وست وعيالهم الصغيره معاهم ...وواقفين عند الباب بيكتبو بياناتهم عشان يقدموا طلب انضمام للبلد ...وبكده عرفت ان معدل النمو بقي عالي ....انا قلت اروح عند الاستراحه واشوف الناس هناك عامله ايه
وعند الاستراحه لقيت واحد شكله سكران طينه ...عمال يمشي يمشي وبعدين يخبط في الحيطه بتاعه الاستراحه وبيقول : يووووه ...انا هدخل يعني هدخل
ومشي تاني وراح خابط في الحيطه وقال : يووووه ياعم ابعد عني بقي انا عايز ادخل
روحت انا مسكته وقلتله : انت بتكلم مين ياجدع انت
هو : انا بكلم اللي واقف عند الباب ده ...مش عايز يدخلني
انا : يخرببيت هبل اهلك ...انت شربت عنب اد ايه عشان توصل للمرحله دي ...تعالي معايا انا هدخلك
ومسكت ايده ودخلت بيه علي الاستراحه
وجوه الاستراحه لقيت الناس فرحانه وبيشربو عنب كتير وقعدت عند السقا وطلبت عنب واداني العنب بتاعي وشربته
وفجأه لقيت واحد داخل الاستراحه ومعاه صندوق كده وماسك في ايده جرس عمال يرن بيه ويقول : ضرايب ضرايب ...يلا اللي مدفعش يدفع 4 دهب
انا قلت في سري : 4 دهب ؟؟؟؟.......ياولاد الحراميه ......ده من ساعه النسخه الجديده والسكان بقو يجيبو 3 دهب بس ....وانتو بتاخدو 4 ....ياولاد ال......وتضربو باقي الدهب في جيوبكم ...احنا مش هنبطل سرقه ابدا
طبعا انا مكنتش معروف في الاستراحه ...وخفت اقول اني انا الريس يمكن يعملوا فيا حاجات مش كويسه ...عملت نفسي عبيط وسألت السقا: هو فيه ايه ياكابتن ؟...مين الباشا ده
السقا : ده بتاع الضرايب ياعم ...انت جديد في البلد دي ولا ايه
انا : اه انا لسه جاي انهارده ..لما سمعت ان عندكو عنب كتير
السقا : ده اول يوم انهارده يكون عندنا عنب ...الحاكم الله يخرببيت امه واخد العنب كله عنده وبياكله محشي كمان ...واحنا مش لاقيين نقطه منه
يانهار ازرق ...هو عرف الحاجات دي ازاي...حتي المحشي عرفوه ...يالهوي ... يخرببيت امك ياحسني
الراجل بتاع الضرايب لما كان بيعدي علي الناس كان فيهم ناس بيدفعوا وفيهم ناس تانيه بيطلعوا كارنيهات من جيوبهم ومش بيدفعو الدهب
انا طبعا مفهمتش حاجه روحت سألت السقا : هو ايه الكارنيهات دي ياكابتن ؟
هو : الناس الهاي كلاس اللي مش بيشتغلوا هما اللي بيدفعو الدهب ...انما الفقرا ولاد الفقرا بيشتغلو ...وبيطلعو كارنيهاتهم عشان يشوفها ..... هو انت معاك كارنيه ...ولا انت هاي كلاس
انا : لا انا مش معايا حاجه
هو : يبقي هتدفع ياحيلتها
انا : انا مش معايا دهب اساسا
هو : يبقي حتتخزوق ياأموور ...ههههههههههههه
انا : يانهار اسود ومنيل .... هو اللي مش بيدفع بيتخزوق مقاس 45
هو : الله عليك ...مانت طلعت ابن بلد اهو وعارف خازوقنا مقاس كام
انا طبعا مبقتش عارف اعمل ايه ....الراجل بتاع الضرايب قرب يوصل عندي ..وانا مش معايا كارنيه ...ومكنتش عايز اعرفهم اني الريس ...عشان كانو حيخزوقوني بردو ....وفجأه
ببص علي الارض كده لقيت كارنيه واقع علي الارض من الراجل اللي قاعد جنبي
روحت موطي كده وعملت نفسي بربط الجزمه وروحت مديت ايدي ومسكت الكارنيه و.....
اي اي اي اي اي اي ....... داس علي ايدي الواطي صاحب الكارنيه وهو بيقول : لامؤاخذه يابرنس ...بس الكارنيه ده يلزمني ..انت كنت عايزه ولا ايه
انا : احمممم ...لالالالالا ...لا ياكابتن ... ده انا كنت هديهولك لما شفته واقع منك هو : اه ...تشكر يابرنس ...
وطلعت من تحت وانا حاسس ان في قطر داس علي ايدي ...ووصل عندي بتاع الضرايب
مييييييييييين حنطوره ؟
هو : انا مش حنطوره ياعم انت ....... انا اخوه التوأم شفطوره
انا : الله يحرقكو بجاز ...ده انتو عيله معفنه ....هو ابوكو مكنش لاقي اسامي نضيفه يسميكو بيها
هو : هو فيه ايه ياد انت ...انت بتغلط فينا ليه ... انت تعرفنا منين اساسا ...اطلع بالدهب ياعم الامور يلا وانجز
انا : انا مش معايا دهب
هو : يعني كمان مطلعتش ابن ناس وطلعت شحات ...امال التناكه بتاعت اهلك دي علي ايه ...طب خلصني ووريني كارنيهك عشان اعرف انت شغال فين
انا : ابونيه
هو : نعم ياروح امك .......انت فاكر نفسك في اتوبيس هيئه ولا ايه ........ بقولك ايه ياد ....انا مش ناقص وجع دماغ ....... انا طالع عين امي في ام البلد دي وشغال لف من صباحيه ربنا
انا ميلت عليه وقلت في ودنه كده بصوت واطي : انا عارف انك بتلم 4 دهب ...مع ان المفروض تلم 3 بس ..... ايه رأيك بقي لو فضحتك وسط الناس دي كلها وقلت انك بتاخد منهم دهب زياده
هو بقي وشه جاب الوان ..احمر واصفر وازرق ....وراح زعق بصوت عالي وقال : يانهار اسود يارجاله ....ده طلع جاسوس ...جاااااسوووووووس
ولقيت الاستراحه كلها قامت عليا وفين يوجعك واخدت منهم علقه ماخدهاش حمار في مطلع
ومن كتر الضرب اغمي عليا ومحستش بحاجه خالص

موضوع: رد: سلسله قصص المستشار وانا 4/4/2009, 1:09 am

أنا هحط جزء 25 هديه

وبعد ما أغمى على صحيت و جريت على البلديه وكل إلى فى الأستراحه بيجرو ورايا وعملين يقولو جاسوس أنذار و خلو العيال الصغيره يقولو الجاسوس أهو الجاسوس أهو و أعدو يزقلونى بالطوب و أخيراً بعد ما وصلت دار البلديه أستخبيت فى الدلاب الكبير إلى جنب الباب إلى أنا دربت فيه رئيس المدن و تنتنى مستخبى لحد ما مشيو وخرجت وندهت على على مدير المدن وقلت له أغلق السكريبت دة علشان الجنود يرجعو أمام القصر مره أخرى و ألأنتهى اليوم وذهبت للقصر و أنا ماشى فى الطريق ببص على السور لقيت جاسوس بيدخل من البوابه و الجنود مش شيفينوه قلتلهم ألحقو جاسوس و طلعت المحمول من غير ما أورى الجنود الذين يقفون على السور وكلمت رئيس المدن أصل أنا أديتو تلفون وهو بيقسطلى ثمنه علشاننزود المال لنشترى ثفن لنرفع نقاطنا ياه أفتكرت بقلك أية يا فهمى
مدنى يا باشا
باشا مين ياض يبن .............
المهم أبقا قلى نقاطنا كام وكمية الذهب و كمية الجنرالات
قالى بليل وانا جيلك يا بيه
قلتله نستنى الله يخرب بيتك أبعت جنود و خازوق 45 و خازوق 46 عشان فى جاسوس وما تنتسى الجلاده وحبل ورغيف عنب
قاله ثوانى ويكونو عندك عند دار البلديه
فتأخر أربع ساعات فقلت له إيه إلى أخرك قلتله أوعى تكون البلاعة
قالى لا يا بببيه أقصد يا باشا أقصد يوههههههههه أنتا منصبك أيه قلتله يبن .......... ومش عارف منصبى كمان ورزعته 15 قلم وشه بقا بنفسجى وطرقعت له أذنه
المهم كمل
أنا كنت ماشى فالأطفال أعدو يزقلونى بالعيش فجريت على الأستراحه أستخبه ومسكونى وقاو لى أدفع 4ذهب قلتلهم مش
كمل كمل أنا عارف الباقى
المهم جبت الأدوات
رحت أيله حط خازوق 45 جنب 46 و الحبل أصره و أربط طرف فى النخله وطرف فى فى الجاسوس وبعد ما نفذ قلت له أيسلى مسافة الحبل وخدت رغيف العنب حطيته على الخازوق 46 على أحد النون وروحت نمت وفى اليوم التالى جيت لقيت الجاسوس جعان ومرهق رحت ماسك رغيف العب وكلت حته براحة علشان أخلى الجاسوس يعترف جاى من أين المهم ما أعترف و أنا عمال أعاند ما رضى يعترف

عايز تعرف الباقى أنزل شويه

هنقف هنا لزيادة التشويق
ونكمل فى الجزء القادم ما الذى سيحدث للجاسوس