اعضاء AOC73

موضوع: اعضاء AOC73 5/25/2009, 3:12 am

كل الاعضاء من تحالف AOC73

يسجلو هنا بالاحداثيات

شكرا

موضوع: رد: اعضاء AOC73 12/3/2010, 4:46 pm

بسم الله الرحمن الرحيم

نحب ان نهنئى بطلا ً من ابطال ارض غزه الباسلة
بوصوله المليون نقطه ونسمع احلى زغروطه للبطل

بطل طالما يعرف عنه قوته وشده بأسه فى المعارك

رجل ذو خلق عظيم و راى قويم و عقل حكيم

رجل السلم و الحرب

اكبر مخطط عسكرى بدلتا

محطم حصون الاعداء و قاهر خصومه فى عقر دارهم X(

هو رجل المهام الصعبه

الجنرال .......... الكـ101ـاسر

الف الف مبروك يا كاسر

عقبال الخمسه مليون كده يارب

موضوع: رد: اعضاء AOC73 12/18/2010, 5:40 pm

لقاء ترساناوى كبير + جاسوس اتحاداوى

السلام عليكم ورحمة الله وبركاته

لقاء الكبار ومعاهم واحد صغير .. بحمدلله وبفضله تم التجمع بالإسكندرية ويُعتبر من أكبر التجمعات الإيكاريامية حيث كان يشمل عدد كبير من لاعبي إيكاريام حيث كان عددنا تقريباً ما لا يقل عن 12 عضو .. (( والله مش عارف أعدهم من كثرهم بسم الله ما شاء الله ))

ونبتدي ببسم الله وبالإفتتاحية وبصور عتاولة إيكاريام

سمارتك (( البشمهندس سالم )) اللي على اليمين .. وهانيبال ( الدكتور هاني ) أكيد اللي على الشمال .. مش مستاهلة ذكاء يعني

طبعاً سمارتك باشا .. صاحب الـ 5 ملايين تقريباً .. بدأ بسرده لأسرار اللعبة .. وأسرار وصوله إلى الـ 5 ملايين .. وطبعاً إعترف بأنه يمتلك أكثر من 3 تعددات فوق الـمليون نقطة تقريباً .. وقام بتصريحات في غاية الأهمية والسرية بإستغلاله لثغرات حتى وقتنا هذا وفي أثناء حديثه وتدريبنا على إستغلال تلك الثغرات .. والحمدلله وبفضله وحصري فقط على قناة التيرميناتورز سباي .. قومنا بتصوير كل شيء صوت وصورة

طبعا سمارتك على اليمين .. بيشرح اللي قولنا عليه من شوية .. واللي في النص دا محمد غازي (( GHAZY )) قائد سابق من تحالف الأمراء .. وشبه معتزل حالياً .. وكان يستمع بتركيز لخطاب الباشمهندس سالم سمارتك .. وطبعاً اللي على الشمال خالص دا (( منجاوي )) .. طبعاً الأخ منجاوي نايم .. طبعاً هتسألوني ليه ؟؟

هقولكم .. طبعاً منجاوي في تحالف اسمارتك .. ومن نفس البلد .. يعني سمع الكلام دا كتير وبينفذه طبعاً .. ومش مستاهل يسمعه تاني .. فنام من الحوار .. عادي يعني

طبعاً مينفعش نفوت فرصة زي دي .. كلنا كنا بنستمع وبنتفرج على سمارتك باشا وهو ما شاء الله بيجري ع الـ 6 مليون

طبعاً الوسيم اللي على اليمين خالص دا .. محمد يوسف (( myousef )) واللي في النص الدكتور هاني (( hannibal )) .. واللي على الشمال دا .. مايهمش مايهمش << أسد الله

وفي الصورة دي كنت أنا وشبرا بنستمع ومستمتعين جداً بالأسرار وبالثغرات الجميلة .. طبعاً شبرا هو اللي ع اليمين .. سؤال يطرح نفسه !! .. مين اللي ع الشمال ؟؟ :figaro:

بس للأسف .. حصلت مشكلة لم تكن في الحسبان تماماً .. إحنا ولله الحمد كنا تقريباً 12 واحد ترسانة .. إكتشفنا لسوء حظ الجاسوس .. إن معانا واحد إتحاداوي .. ويا لهول المفاجأة .. كان إسلام (( الغواااص )) .

حاولنا في البداية نرشيه وفضلنا نأكله بيتزا

طبعاً اللي تكلف بالمهمة دي .. عامود من عواميد الأسطورة .. ديااااااابلو .. اللي على اليمين خالص .. كان هيفترس الواد الإتحاداوي دا .. بس علشان قلبنا طيب وعلشان إحنا أهل كرم .. قولنا نأكله ونسيبه لحال سبيله ..ودا طبعاً واضح في الصورة زي مانتوا شايفين :paso:

وعلشان تعرفوا إن مفيش فرق بين أعضاء الترسانة .. سمارتك ذات نفسه .. الخمسة مليون يا جدعان .. كان بيأكل الغواص زي مانتوا شايفين .. هو ومنجاوي .. أخلاقنا عالية والله

------------------------

لا لا لسة مخلصتش .. دا احنا هندخل في الأكشن دلوقتي .. طبعاً بما إنه إتحاداوي .. حاول يتماسك شوية .. وحاول يقاوم إغراءات الأكل .. إضطرينا .. آسفين .. ومُجبرين على إستعمال العنف >> هو اللي جابه لنفسه

وكانت أساليب التعذيب كثيرة

نخنقه ؟؟

تعليق قرون وضرب قفا ؟؟

ندوس عليه نغرقه ؟؟

نرميه من الدور العاشر ونخلص !! ؟

------------
وأخيراً .. المعلم إستسلم .. وأعلن إنضمامه في صفوف الترسانة ويكون كجاسوس تابع لنا في صفوف الإتحاد والصورة توضح التالي

وفي الصورة اللي جاية دي .. بدأ الغواص يشرح أسرار وخطط عسكرية وحربية إتحاداوية وكنا معينين عليه اتنين مخبرين من الترسانة اللي لابس آيس كاب .. دا رجب .. واللي مديلنا قفاه دا بيكس (( pecks))

وطبعاً علشان الترسانة أهل الكرم والخير والواجب كله .. إديناله علبة بيتزا هدية على المعلومات اللي استنبطناها من الجاسوس

وأخدنا معاه في النهاية صورة جماعية بنت حلال .. بما إنه أصبح عضو ترساني وجاسوس إتحادي

وهنعيد واقولكم ترتيب الناس في الصورة لإني حاسس إني فوّت ناس في الموضوع لإني معايا صور كتيرة

من اليمين للشمال :

غازي - رجب - دكتور هاني - باشمهندس سالم - أسد الله - منجاوي - محمد يوسف

واللي ع الأرض دا الغواص

وطبعاً دي صورة مجمعة تانية برضه علشان الناس اللي مظهرتش في الصور اللي فاتت

من اليمين للشمال برضه :

منجاوي - أسد الله - رجب - سمارتك - شبر - هانيبال - محمد يوسف

اللي ورا فوق .. كان انا وغازي .. بس الصورة مش واضحة شوية فشيلتها من فوق .. واللي بيبص علينا دا الواد ديابلو الاهتم
واللي قدام خالص .. ع اليمين .. الغواص .. و ع الشمال .. بيكس ( pecks )

وآخر صورة برضه مجمعة وفيها وحش الشاشة .. إسلام ( ThE GuN )

الصف الخلفي من اليمين للشمال : دكتور هاني - رجب - محمد يوسف - بيكس

الصف الأمامي من اليمين للشمال : إسلام ذا جن - أسد الله - سمارتك

=============================================
وبكدا إنتهينا من رحلتنا الجوية الإعصارية في الإسكندرية .. وكان يوم لذيذ جداً .. قضينا فيه مع بعض 8 ساعات تقريباً كحد أدنى .. ووالله الواحد اتعرف على شخصيات جميلة عن قرب جداً .. والحمدلله كانت مقابلة ناجحة .. وكله فرحان وبيشكر فيها جداً .. وطبعاً كلامي عن ثغرات سمارتك والكلام الفاضي دا كله .. هزار مش أكتر .. علشان عارف عقليات البعض وشكراً
]

» اعضاء تحالف ARAM
» اعضاء تحالف G_S
» اعضاء تحالف NSO
» اعضاء تحالف FRD
» اعضاء تحالف DKS